Approclub 公开
[search 0]
更多

Download the App!

show episodes
 
Loading …
show series
 
年青時的 Steve Jobs 懷著滿腔熱血,加上敢教日月換新天的拼勁,不斷努力的想去改變世界,但因經驗不足,往往是出師未捷身先死,都未能如願!失敗過後,教主停下來韜光養晦總結經驗,再經多年的沉澱,他的下半生已變成了一把能開天僻地的寶劍,往後世界的新生活型態都在他創意之下給徹底改變了! (錄制於 2013-10 別了教主二周年)由ApproClub
 
很多人對 Steve Jobs 的認識僅限於 Apple 的 i 世代 (即 iMac, iPod, iPhone, iPad 等面世) 以後,但其實早於三十多年前開始,教主已開始不停的翻天覆地去改變了整個世界,如你不知道 (或已忘記),都就讓我們一一講你知!(錄製於 2013-10 別了教主二週年)由ApproClub
 
Apple 自去年十月的發佈會之後,等侯了很久…很久才有最新的 WWDC 2013 新產品發佈會,其間相隔長達八個月,真的令一眾蘋果迷望穿秋水。蘋果在這段閉關期間,究竟努力研發了怎樣石破天驚、翻天覆地的新產品,去滿足一眾的蘋果迷呢?就讓我們為你詳細一一細數!!由ApproClub
 
上集為你數算了 2012 年裡 Apple 好幾件令人失望的事情,但失望的事情仍未停止,好戲還在後頭! Tim Cook 獨挑大樑之後的蘋果無論在人事、產品或銷售上都有著重大的改變,這些改變對於蘋果有著好或是壞的影响,讓我們繼續回顧去年蘋果的十件大事。由ApproClub
 
2012 年是 Apple 大起大跌的一年,尤如坐過山車,同時亦是蘋果失去了 Steve Jobs 由 Tim Cook 獨挑大樑的第一年。掌門在過去一年的表現如何,是極好、差強人意還是令人失望呢?就在新一年的開始,讓我們一起回顧去年蘋果的十件大事。由WHY/Ray
 
新一代 Mac OS X 作業系統 10.8 (獅子•山) 最大任務就是盡快令全宇宙最先進的 Mac OS X 與同屬蘋果系全地球最強勁的 iOS 做到相似兼相容,還不斷將強勁功能簡化,外觀更改頭換面兼全速去 "i" 化,蘋果用心真係良苦!最後更會加料為你講一講點易昇級,萬勿錯過!!由ApproClub
 
Apple 發佈會後大家都在熱烈討論著沒有討論價值的 iPhone 5, 渾然忘了還有其它產品面世!雖則他們曾經萬千寵愛,但隨著親生父親走的走、死的死,現已淪為被日漸遺忘的孤兒仔。但是我們沒有忘記,現隆重介紹這班曾經創下不少豐功偉績,幫助蘋果揚名立萬的全新 iPod + iTunes !!由ApproClub
 
Apple 真的變了!以往的產品發佈會內容事前都是嚴格保密、滴水不漏,從未像今次推出 iPhone 5 那樣,全世界都能在個多月前就已從小道消息得悉了大部份準確資料,難道這就是蘋果的新人事新作風?無論這是刻意安排或是無意洩漏也好,待我們一起重溫最 "新" 發佈的蘋果旗艦產品 iPhone 5 吧!由ApproClub
 
上集為大家速報了 Apple 新一代的 MacBook 升級之後,今集繼續為你報導 WWDC 期間蘋果的其它產品升級,並深入分析各種新硬件的優劣,以衡量是否值得升級。更為你深入報導快將面世的 OS X Mountain Lion, 提示你各個要注意的重點,讓你更加了解,為即將的升級作好準備!由ApproClub
 
雖然今次蘋果 WWDC 仍然無大家都熱切期望的 iPhone 5, 但總比去年優勝之處就是有強勁新硬件!去年推介的 Mac OS X 10.7 Lion 及 iOS 5, 今年仍然在講,不過今年講的是新版 Mac OS X 10.8 Mountain Lion 及 iOS 6, 讓我們一起看看今年全新的強勁軟/硬體!由ApproClub
 
硬件制作手到拿來,再克服了制作軟件的困難,喜歡打破常規的電子設計鬼才 Woz 順利制作出他的完美電腦。可惜無人懂得欣賞,送都無人要!幸得 "好朋友" (教主) 獨具慧眼,說服 Woz 轉送為賣。在天時、地利、人和全部齊備之下,兩人終於踏上創業的不歸途!由ApproClub
 
高清電視的多種不同規格再加上多種數碼廣播制式真是弄得人頭暈轉向。蘋果乘著高清數碼電視的出現,五年前已推出 tv,期間三代更替,設計更經歷翻天覆地轉變,雖然 Steve Jobs 臨終前透露已悟出必勝之道,但至今仍然未能殺出血路。正值蘋果推出新一代 tv,讓我們一起回顧三代 tv 的歷史吧。由ApproClub
 
山寨電腦俱樂部的出現,身邊有一班志同道合的同伴沉醉於新興的電腦世界,同一時間中央處理器 (CPU) 的百花齊放,再加上 Woz 不斷累積了大量不同的電子專案經驗,終於令他步上了改變世界的歷程,究竟係時間上的機緣,還是巧合?由ApproClub
 
上週 Apple 悄然釋出 Macintosh 下一代作業系統 OS X Mountain Lion 的資料已個多星期,我們亦已率先報導。但到現在除了在網頁上披露了寥寥可數的資料外,奇怪至今仍未有任何官方大員出來推介這個新 OS!今集我們會再跟進報導其餘的新功能,及專業分析蘋果近來奇怪的新人事新作風!由ApproClub
 
Apple 剛剛推出了錯漏百出的 Mac OS X 升級後,大家仍然驚魂未定,蘋果忽然在毫無預兆之下就悄然釋出下一代的新 OS X Mountain Lion 讓大家先睹為快,果真是一波未平一波又起。 今次蘋果對 Mac 的操作系統有甚麼大作為?就讓我們帶大家去看看今回蘋果帶隻獅子上山會有甚麼重大突破!由ApproClub
 
數算 Apple 最近的一系列失誤: iOS 5.0.1 升級「無用」、教育發佈配套「混亂」、OS X 10.6 安全升級「忘舊」及 OS X 10.7.3 升級「罷工」!教主一去,蘋果好像群龍無首,各自為政,亂作一團,最後受害的就是我們一群用家!希望蘋果盡快重回軌道,不要令大家失去信心。由ApproClub
 
Apple 釋出超級易用的電子書制作軟件 iBooks Author, 但制作出來的 Textbook 要放上 Bookstore 供人下載竟然是超級困難,而當中主要原因竟和今次重點發佈的 iTunes U 教育平台有關?就讓我們專業的主持為你披露當中有何玄機?同時亦會回顧過去及分析未來蘋果的教育政策,好讓你知道蘋果是一間有長遠目光的公司。由ApproClub
 
Apple 是一間無時無刻都在搞革命的公司!從電腦至音樂,再到手提電話、平板電腦及電子遊戲市場,全都被蘋果一一攻破並徹底改變其一貫生態。今次蘋果強攻他一向不離不棄的教育市場,試圖透過改變電子教科書的制作,去進行全美國,甚至全世界的教育大改革,真偉大!由ApproClub
 
2011年對於 Apple 來說實在是最不平凡的一年!全球舉足輕重的公司,有全人類關注的事情,當中有驚喜,有失望,有震驚,有傷感,有願望達成,有意料之外,亦有難以彌補的傷 痛。新一年的開始,就讓我們一起回顧蘋果今年的十件大事。由ApproClub
 
歷史的契機終於給天才中的天才 Woz 遇上了,就是山寨電腦俱樂部及一群瘋狂電子工程師,機緣巧合下更給他認識了中央處理器 (CPU),就如同伯樂遇上千里馬一樣,再加上教主靈活的生意頭腦和唯利是圖的性格,更是如虎添翼,從此世界就不一樣了!由ApproClub
 
Woz 不斷幫助朋友去完成不同的電子專案,其間累積了大量的電子知識,亦間接提升了自己的電子設計能力,不知不覺間就變成了高手中的高手!但高手同樣會有死門,Woz 的死門更被 Steve Jobs 充份掌握,咁教主究竟會點樣對待佢最要 "好" 的朋友呢?由ApproClub
 
今集嘉賓係一位香港少有的資深 Mac 友,別人眼中我們是惡性兢爭者,但一直以來他都是我們的好朋友,佢今次居然夠胆上蘋機會節目,仲會毫無保留向大家道盡過去十年在 Mac 界的辛酸與唏噓!你估到佢係邊個未?我唔講住,等大家自己聽,知道之後一定會嚇你一跳。由ApproClub
 
Apple 包圍式的 iPod 銷售策略全面報捷,成功將所有對手趕盡殺絕,雄霸全球 MP3 播放機市場,風頭一時無兩,更是 Steve Jobs 回歸之後,帶領着蘋果攀上第一個高峰!但好景不常,銷售皇牌 iPod 在短短十年間由無至有,再由盛轉衰,近年銷量不斷下滑,對手係邊個咁強勁?而 iPod 前景又會係點呢?由ApproClub
 
iPod 自 2005 年開始兵分三路,全面向市場上所有的高、中、低檔 MP3 播放機一步一步進逼!過程當中不同的 iPod 產物都創意十足令人耳目一新,不過有啲都幾攪笑,有啲又過份前衛,令人手足無措,但都無損 Apple 的雄心壯志,誓要將所有對手擊倒,雄霸全球 MP3 播放機市場。由ApproClub
 
Apple 憑藉 iPod 開創出一個全新音樂播放器市場,穩守高檔市場後,逐步向中,低檔進逼。運用全新設計顯示顏色去奪取女性芳心,意外連"龍友"都吸引埋,導至全球熱炒。教主執翻條命慨歎生命無常,將人生歷煉傾注產品,一樣大賣。運到唔好俾佢停,跟住一輪急攻,產品舉世驚歎,軟硬兼施配合得天衣無縫,霸主地位從此奠定。由ApproClub
 
iPod 適時推出,銷售比預期理想,好嘅開始就係成功咗一半!素來偏執狂嘅 Steve Jobs 竟然被說服,肯踏足一個佢向來認為"絕對無品味"嘅市場,點知無心插柳之下俾佢搵到個金礦。教主之後仲義無反顧完全瞓身落去,最後連敵人都爭住同 Apple 結為盟友幫手開路,真係講你都唔信呀!由ApproClub
 
雖然 iPod 計劃得以順利展開。但由零開始,環顧蘋果內部,MP3 播放機的硬件設計,操作系統開發,介面軟件…等等,竟然無人識得做,教主仲定下一個極短嘅時間內要推出市場。期間更遇上 911,同業亦相繼求去,蘋果自己亦失去信心,眼看成功推出變成不可能的任務,咁點算!由ApproClub
 
轉眼間 iPod 已出現十年了,當初 Steve Jobs 根本無諗過出呢部同 Apple 本業九唔搭八嘅 MP3 播放機,更加發夢都無諗過佢會大賣,起因只因勢成騎虎,再加上東芝嘅錯誤產品支持下至令佢空前成功。等我哋同你回顧吓教主回歸後,呢個令蘋果攀上第一個高峰嘅產品。由ApproClub
 
Apple 真係掂,新教主嘅頭炮 keynote 真係估佢唔到囉,iPod 無乜變,跟住將 iPad 2 嘅餡塞落去 iPhone 度再加個"S"就算數,蘋果以不變應萬變,大家跌到一地都係眼鏡碎!但係!一日之後成個世界都唔同哂,原來呢部 iPhone 4S 嘅任何的軟/硬件 upgrade 都唔重要,最重要嘅係 One more thing…"這是 iPhone for Steve"!由ApproClub
 
Apple I, Apple II, Lisa, Macintosh, iMac, MacBook, Mac Mini, Mac Pro, iPod, iPhone, iPad, Mac OS X, iOS, App Store, Apple Store, NeXT Station, NeXTSTEP, Pixar 電腦動畫…等等,以上所有革命性的東西,你知道全都是和 Steve Jobs 有着莫大的關係嗎?感謝教主 35 年來努力付出及至死方休的精神去改變世界,令我們的生活變得更美好。教主,我真係唔捨得你呀!由ApproClub
 
望穿秋水,終於都俾我哋等到啦!2011年9年24日 蘋果喺香港開咗 Apple Store,仲係旗艦店𠻹,以後日日都可以去朝聖囉,真係勁開心!全城熱話梗係第一時間去了解吓啦。朝完聖睇到好多嘢,影咗好多相,即刻同大家一齊分享吓我哋嘅喜悅啦!由ApproClub
 
教主做咗工程師,咁啱個老友 Woz 又係做咗工程師喎,不過佢做嗰間公司就大得多囉,仲係佢一向夢寐以求嘅工程師聖地𠻹。日日返工已經同眾多高手切蹉,連工餘時間都不斷練功,唔經唔覺就修煉到高手界境。原來有三分天才都要加上七分苦練至得㗎,成功真係無僥幸!由ApproClub
 
大部份蘋果迷都好想去美國蘋果總部朝聖。原來 Steve Jobs 後生嗰陣都試過去朝聖㗎!教主去邊度朝聖?講咗你都唔想去,辛苦到痺,無功而回,無乜得着,仲差啲搞到無命𠻹!教主執番條命返嚟,差啲俾佢做埋工程師,又學會 "珍惜" 朋友,唔通朝聖真係咁有啓發?由ApproClub
 
PC 硬件插咭成功令 Mac+PC 融成一體,全面兼容,如虎添翼。但係瘦田無人耕,耕開有人爭,勢估唔到仲係大佬出盡八寶,以本傷人出嚟同你爭,點會唔贏吖!初嘗甜頭之後就亂咁出招,再自亂陣腳,最後都係攪到一塌胡塗,好事都變壞事,咁點收科呢?重使講…咁就梗係靠教主搞掂啦!由ApproClub
 
早期在 Mac 上的 PC 兼容及模擬軟件種類繁多,百花齊放,應有盡有,但是速度都非常緩慢,用佢做嘢只有等…等…等!有見及此,天才電子工程師發揮創意,投入大量心思及金錢,務求將大大部的 PC 電腦濃縮,製造出完美硬件,務求將 Mac+PC 融成一體,發揮 Mac 最強實力!由ApproClub
 
等咗十幾年先好彩等到 Steve Jobs 返嚟打救 Apple,點知救到蘋果起死回生就累到自己,慘!慘!慘!教主突然辭職,真係晴天霹靂!點解?點解𨂽低我哋唔理?係咪求其搵阿邊個(Tim Cook)頂上就得?你對阿邊個有乜認識?等我哋同你介紹吓 Apple 嘅新 CEO.由ApproClub
 
Mac 和 PC 一出世就駐定係一對歡喜冤家!最初就互相支持,跟住就不停互數互插,互相攻擊,旁人睇得咬牙切齒,紛紛出手相助,點知原來佢哋一路都有眉來眼去,更會互相扶持,互相接納,一時係冤家,一時係拍檔,關係千絲萬縷。由ApproClub
 
執翻條命之後,Steve Jobs 與 Woz 分道揚鑣,教主上大學進入佢人生嘅新一頁,點知書就讀唔成,仲攪到沉淪毒海,沉迷宗教,放棄學業𠻹。睇住佢死得啦,點知教主誤打誤撞搭上咗當時得令,瘋魔全球的「雅達利」,又估佢唔到喎,教主真係一世有運!由ApproClub
 
Loading …

快速参考指南

Google login Twitter login Classic login