))
Wat Saai Jy?
Manage episode 445519985 series 3072738
内容由Jokkie Gauché on behalf of Berni Dymet提供。所有播客内容（包括剧集、图形和播客描述）均由 Jokkie Gauché on behalf of Berni Dymet 或其播客平台合作伙伴直接上传和提供。如果您认为有人在未经您许可的情况下使用您的受版权保护的作品，您可以按照此处概述的流程进行操作https://zh.player.fm/legal。
Galasiërs 6:8 Wie op die akker van sy sondige natuur saai, sal van die sondige natuur dood en verderf oes. Maar wie op die akker van die Gees saai, sal van die Gees die ewige lewe oes.
Ek wil jou graag vandag uitdaag om diep asem te haal en jouself af te vra: hoe lyk my lewe? Goed, ek weet die lewe is ingewikkeld, soms deurmekaar. Maar kom ons maak dit persoonlik en vra jou: hoe leef jy jou lewe? Of anders gestel, watter saad saai jy vir jou toekoms?
So, stel jou voor, die boer ploeg sy land om en saai mieliesaad op die regte tyd. Die weer is gunstig, alles gaan goed. Hy raak besig met ander dinge en vergeet heeltemal dat hy mieliesaad in sy land gesaai het.
Toe daar klein groen lootjies uit die grond opkom, vermoed hy dat daar iets fout is. “Het ek nie koring in daardie land gesaai nie?” Maar soos die dae verbygaan, sien hy tot sy ontsteltenis dat hy beslis nie koring gaan oes nie.
Toemaar ek weet, dit klink beslis baie onnosel. Niemand sal tog so dom wees nie! Jy sal verbaas wees! Wanneer jy om jou rondkyk, sien jy ‘n spul baie onnosel mense wat hul lewens leef deur net hul eie selfsugtige begeertes te bevredig, terwyl hulle verwag om aan die einde van hulle lewens 'n oes van ‘n ewige lewe te hê! Beslis onnosel, nè?
Galasiërs 6:8 Wie op die akker van sy sondige natuur saai, sal van die sondige natuur dood en verderf oes. Maar wie op die akker van die Gees saai, sal van die Gees die ewige lewe oes.
My vriend, eer God, gehoorsaam Hom, bid deur sy Gees, glo in Jesus en leef ‘n lewe wat wys dat jy werklik in Hom glo; dit is die pad na die ewige lewe. Dit is hoe jy die oes sal pluk waarop jy hoop. Maar as jy lewe om jou sondige self te bevredig, sal die oes wat jy daaruit kry, die ewige dood wees.
Dit is God se Woord. Vars … vir jou … vandag.
1394集单集
分享
