Jim 公开
[search 0]
更多

Download the App!

show episodes
 
Loading …
show series
 
各位同學,今集辯題係,一個人好地地,為咩淨係食菜呢?係慈悲?係健康?係環保? Lea:唔忍心見到豬牛慘況,但又戒唔晒,惟有食住海鮮素先。(佢話,就算係自我感覺良好,起碼自己都真係心安。) 「愛護植物協會」會長 Jim:頂你啦,植物就唔係命?就唔會痛? 鹽叔:我支持素食,不過我自己就食唔到素。係呀,我廢囉。 你又支持邊個? By 製作組編導 K *** 今晚 22:00 Youtube 首播 Apple/ Spotify Podcast 同步播出 Facebook 翌日重溫 逢周二、四,喘一口氣
 
【我返工,我打機,我自豪!】 相信唔少人曾經畀阿媽話過「衰仔又打機?」不過依家世代唔同左啦,ESports 係運動嚟嘅,甚至可以喺奧運競賽~ 不過,對某啲地方嘅小朋友嚟講可能就難啲喇,希望你哋周末玩一個鐘會夠皮啦! 遊戲世界裏面,人人都可以成爲美斯、尼馬,加埋大細哨 Dream Team的班主,不過要瘋狂課金又有冇意義呢?想聽下兩位阿 Sam 點睇課金文化、電競產業,同Show「球技」,咩通曬大小坑渠,扭埋脚法咁,就記得睇依集啦~ (P.S 話唔埋可以睇到記者Sam 個 Fifa ID,想同佢瘋狂連線打機,就記得落足眼力!) By 製作組編導 M
 
【藝術,只在乎曾經擁有?】 擁有藝術品就等於擁有藝術?見到令你心心眼的藝術品,係咪一定要擁有?學 MC 仁話齋,如果只在乎曾經擁有,講到尾你都只係一個炒家,唔係藝術世界的朋友。 今集繼續有MC 仁、嘉瀛,同我哋美術部大佬劉仁,傾下藝術品買賣、邊個先係創作嘅老細,點樣對自己誠實… 喺好多人試圖掩蓋真實的時代,對自己誠實,唔單單係Artist的Value,更加係所有人要做嘅嘢。 By 製作組編導 M
 
MC仁 In Da House! 平時冷漠嘅美術部大佬劉仁,一見到 MC仁即刻心心眼,不過都唔怪得佢嘅,聽 MC仁講創作,邊個可以唔興奮? 今集嘉瀛同劉仁會捉實 MC仁,由佢喺法國讀書開始,一路講到之後做塗鴉創作,到底喺香港做藝術,點樣Art得自己Art得人? 「你對住嘅都係蠢人,如果你對住聰明人,就係佢同你sell藝術品,係佢用藝術感染你啦」(MC仁,2021) By 製作組編導 K
 
「非凡的勇氣」不在於你有多大膽量,是視乎你害怕的是甚麼。同樣一個境況,不同人都有不同的想法與態度去處理,有人以「正負面思想」來解釋勇氣。事實並非如此,正負面只是指你是否相信未來的某事將會變好或變壞,而得出的心理狀態解釋。但勇氣是指神給你面對的境況,必定參與其中,並給我們勇敢的心去靠著祂去處理。由SFCFC CityMission
 
盂蘭勝會~歸家都心慌慌~ 農曆七月鬼門開,大家夜晚返屋企,有無覺得條街熱鬧咗先?其實盂蘭節只係向先人致意嘅節日,無咁恐怖嘅~不 過呢兩年因為疫情,好多地方嘅盂蘭勝會搞唔成,陽間嘅香港人唔開心,連陰間嘅先人都無得開心。一年一度嘅 party 就咁無咗。 學我哋嘅主持溫佐治話齋,正所謂陰不安陽不樂,先人唔開心,香港點會安寧? 想知多啲盂蘭習俗嘅故事?咁就要聽我哋今晚講經啦!By 製作組編導 K *** 今晚 22:00 Youtube 首播 Apple/ Spotify Podcast 同步播出 Facebook 翌日重溫 逢周二、四,喘一口氣
 
有人話過,如果美斯喺香港出世,佢只會係一個鍾意踢波嘅矮仔,佢身邊嘅朋友、家人,可能都會勸佢唔好發夢,畀啲心機讀書,最後佢只會打份牛工,每日諗幾時可以上車。 OK,其實無咁灰嘅,而家香港人對運動員真係支持咗好多,但係「香港隊長」陳偉豪都係話,喺香港踢波,始終都係難。其他嘢唔講,淨係講比賽時間,原來已經有段故。 有無留意,港超聯成日有啲比賽,會日正當午,點幾兩點開波?點解呢?點解要虐待啲球員? 原來,係因為如果踢夜晚,就要開燈,開燈就要電,要電就要錢…… Welcome to 港超聯。 想了解多啲香港足球?就唔好錯過呢集啦! By 製作組編導 K *** 今晚 22:00 Youtube/Apple/ Spotify Podcast 同步播出 Facebook 翌日重溫 逢周二、四,喘一口氣…
 
介紹返,今晚嘉賓,「香港隊長」陳偉豪。2009 年,偉豪帶領港隊,喺東亞運奪得金牌,令唔少香港人重新認識本地足球。 雖然近年好多人都會入場支持本地波,不過同外國整個完善嘅產業相比,香港足球都仲有好長嘅路要行。就講我哋最熟嘅英超,一個 Grealish 轉會曼城,一億磅。呢個價錢,原來已經係港超咁多隊班費總和嘅六七八倍。 係,我知,港超點都無得同英超比。不過足球員都係人,佢哋都要生活。咁點樣先可以改善球員待遇,改善成個行業? 今晚,就等阿匡、杰寧同偉豪一齊傾吓,由 Grealish 到美斯到哈利簡尼到本地轉會,傾吓香港足球嘅未來。 By 製作組編導 K *** 今晚 22:00 Youtube/Apple/ Spotify Podcast 同步播出 Facebook 翌日重溫 逢周二、四,喘一…
 
【怕死的人才可以活下去?】 死,喺社會上好多時都係一個禁忌。 意外、病嘅嘢冇人想,但身爲脆弱嘅人類,總要艱難地接受人有一死。雖然如此,不過絕大部分人都會恐懼死亡。 依種恐懼,究竟係來自死時的痛苦,定係對死後嗰種絕對虛無的不安? 農曆七月啱啱過咗一半,今晚就等最近脾胃弱、聲稱依樣嗰樣都唔食得(啫係驚死)的編導 K(劉偉程),同看透生死的李家麟醫師,同大家談生論死。 *注意:編導 K 首次下海! By 製作組編導 M
 
面對逆境,我們往往感到都無能為力,停留在自憐中,無法自拔,甚至放棄一切可能帶來改變的行動。有人會問,你不住在那個大壓力的城市,怎會明白生活壓力有多大。其實,我也是住在一個樓價相約的城市,就早餐比那城市更貴。面對著這些逆境你是否會害怕嗎?由SFCFC CityMission
 
【而家去旅行仲帶 Lonely Planet?】 曾幾何時,孭住個大背囊,拎住本 Lonely Planet,喺陌生嘅城市入面穿梭,喺迷路嘅時候向異國美人求助,係幾咁浪子…… 不過隨住科技進步,而家去旅行,望住 google map,已經好難迷路…… 好似我哋嘅記者 Jojo 咁,作為一個 90 後到掹嘅小寶寶,已經無機會享受迷路帶嚟嘅刺激同豔遇,條友仲連旅遊支票都未聽過。 今集,三個年代嘅旅遊人,會傾吓唔同時代嘅旅行工具同心態。而你又係屬於邊一種呢? By 製作組編導 K
 
你總會找到有些人限制著神,假如神不按著他們的心意,或方式去做,就為著那些事去爭論,神應該怎樣才對。於使徒時代,外邦人信主的爭議,讓受割禮的人感到不滿。為何外邦人不用割禮,也能承受神的救恩呢?因著彼得異象與哥利流一家被聖靈充滿的事件,教會當中出現一個重大的改變,而這改變也是教會是否去順服神的考驗。由SFCFC CityMission
 
【睇仔定奧運,我兩樣都要曬】 有咩好爭?一邊睇運動員精彩嘅表現,一邊欣賞佢哋千錘百鍊嘅身形,先至係最高享受。 今屆東京奧運,被譽為係「最平權」嘅一屆,例如有男女混合接力賽啦、有首位跨性別運動員出賽啦等等…不過都有唔少 LGBTQ 圈中人,話今次奧運平權係假嘅!得個殼嘅! 咁到底𥄫仔/女之餘,仲可以喺奧運睇到咩性別議題?今晚就等知性青年同 Simon,由 Tom Daley 慢慢講起…… By 製作組編導 K
 
當一位勇者並不是沒有軟弱的一面。我們可能很會指出別人的問題所在,告訴他們該怎樣回轉悔改,但並沒有看到有問題不在別人,乃是在自己身上。軟弱就是生命的盲點,當別人或神派先知告訴你時,你會好好反省自己的軟弱,求主憐憫,幫你脫離這一切。還是繼續否認那些軟弱,讓一個謊話連一個謊話把那軟弱隱藏起來呢?由SFCFC CityMission
 
在逆境中,你的眼目該放在那處呢?許多人並不是沒有解決問題的能力,而是他們總把專注力放錯了地方。例如,不斷地陳述他們存在的問題、有多麼的困難、影響情緒有多大等等,但你的專注力要停留在神那裡,這樣,我們才不會敢到害怕,勇敢地繼續逆流而上。由SFCFC CityMission
 
【浮城是滋養美好文字的土壤?】 香港傷痕處處,在現實比筆下世界更荒謬的時候,我們還可以用文字回應時代嗎? 創作是回應時代,還是創作本來,就是作家内化後的成果? 今晚,有 《秋鯨擱淺》作者、電影《幻愛》改編作家蔣曉薇與林彥邦,用聲音、文字和大家梳理情緒,正視傷痕。 「維港越縮越窄了,可幸海風仍是颯颯。 (但維港兩岸的高樓招牌,多了很多LED 燈和中國品牌,很刺眼。) 這是美感淪落的年代。 (所以像你這種人,目睹這城的變臉,不會活得開心,美麗都在上世紀。) (你是在懷舊嗎,懷舊可是一種罪名。) 我是念舊之人,非懷舊,但我以為,懷舊也不必然就是空洞。」 ——〈在街上跳最後一場離別舞〉潘國靈 在最壞的時代,要讀最多的書。 By 製作組編導 M…
 
【點解維尼愛蜂蜜?】 話説蜂蜜唔單止受維尼喜愛,仲好受人類喜愛添~ 就咁飲得、配多士又得,BBQ就更加得。 不過蜂蜜究竟係咩東東? 誠意邀請遠離學生生活嘅大家,趁暑假上返個小Lecture,聽下科學達人 Karen 博士,同我哋嘅科普編輯小肥波 ,講令人流曬口水的蜂蜜,究竟有咩玄機? 請注意劇透!!(得個講字)嘅減肥人士記得入來睇下,蜂蜜係咪減肥恩物喇~ By 製作組編導 M
 
【我追星,我自豪!】 身為掹車邊嘅 90後,喺 2021年之前,數得出而又鍾意嘅香港明星/歌手,畀一隻手都嫌多。不過,依家用曬自己對手,竟然都 唔 夠 用!(借多 1隻手加 1隻手指就差唔多) 好喇,表達完愛意喇。 喺依個做唔到幾多嘢的時代,睇到默默努力的人,一步一步成長,喺舞臺上發光發熱,真係揾到份代理滿足感㗎 (hug hug) 誠意邀請各位前夫/妻,攬住另一半一齊直擊被害經歷~ 大家都可以回味下邊啲明星,行過入大家個心裏面。 By 製作組編導 M
 
大衛從牧童就依靠著神,在戰場上殺敵,最終成為以色列的王,大家說厲害嗎?直到他晚年,他不用上戰場,但他並沒有停下去服事神,常常想著如何去為神成就大事,於是他想為神建殿,而這就是神給他最終勇氣的挑戰。由SFCFC CityMission
 
介紹返,我哋嘅美術部主管劉仁顯。 不過呢,呢個咁靦腆嘅劉仁顯,我都係第一次見。一向喺公司嘅佢都係霸氣十足,估唔到一上鏡會變成咁。準備今集嘅時候,一路望住畫面入面怕怕醜醜嘅佢,一路聽住佢喺後面霸氣地屌晒全世界…個喜感真係不得了。 喺度要多謝我哋嘅客席主持嘉瀛,喺見到 partner 「咿咿哦哦」唔知自己講緊咩嘅時候,二話不說就衝出嚟幫手 hold 住個場,今集先可以順利拍落去… 但唔知點解,我總係覺得會有人覺得佢呢啲怕醜係反差萌,然後又覺得佢好正… Anyway,大家想知聽美術部大爆平時到底吸啲咩,就唔好錯過今集啦! By 製作組編導 K
 
門徒跟隨主的年月越長,你就會越像耶穌,保羅於羅馬書中「15:5 但願賜忍耐安慰的神、叫你們彼此同心、效法基督耶穌.」「效法基督」這回事你我都不陌生,可是像耶穌一樣,確實在每一個階段都給我們挑戰,如使徒約翰所說,「...我們必要像祂,因為必得見祂的真體。」由SFCFC CityMission
 
【好眼瞓,無得瞓,有得瞓,瞓唔著】 呢一集,係我嘅私心之作。 坦白講,自從 2019 年之後,經常會失眠。相信唔止我,好多香港人都係咁。每晚碌手機,睇到嘅都係唔開心嘅嘢,有咩可能瞓得好? 所以,各位失眠之友唔好太大期望,你唔會喺呢集聽到咩「十個瞓得著嘅方法」、「一句話解決失眠」呢啲嘢。純粹想同各位失眠之友一齊圍爐取吓暖。
 
邊個無睇《大叔的愛》嘅,舉手! 好,無人舉手。 呢段時間,大家田牧睇得好開心,睇簡慕華睇得好開心…開心之餘,香港好似一下子踏出咗平權一大步,好似人人都接受到 LGBTQ 咁。 咁,係唔係呢?我哋嘅主持 Simon 同知性青年就話,兩睇啦。如果佢哋唔係咁靚仔,唔係 Edan 同 Anson Lo,大叔唔係黃德斌咁嘅型佬…大家仲會唔會咁開心先!S imon 話喎,你哋隨便開個 Gay App,睇吓上面啲真正嘅大叔先。如果唔靚仔,仲有無愛的權利?
 
你離開我~就是旅行的意義~ 香港人不嬲都明白,只有離開香港,先會真正得到休息。可惜喺疫情之下,大家都好難去到旅行,今時今日,會離開香港嘅人,多數,都係一去不返。 以前,離開是為了回來。而家,離開是為了未來。 喂呀…點解講旅行都要講到咁 sad…再講過! 其實今集係好 chill 嘅!唔係要傷春悲秋,只係想同大家一齊,喺呢 45 分鐘入面,透過兩位主持分享嘅旅行經歷,用耳仔走一轉柬埔寨、墨西哥、阿富汗等等嘅地方。 兩位主持話,對佢哋嚟講,去旅行嘅意義,唔止係吃喝玩樂,更加係體驗人生。有啲國際視野,只有真係走遍國際先會有。
 
“不要跟我談信仰,我只相信證據。”許多人都會害怕別人說教,也害怕信耶穌,當我們傳福音給他們時,都會用著這種態度去對付我們。其實,並非如此,他們並不是這樣想,他們很喜歡聽聽我們的故事,究竟你信的神是何等樣的神。由SFCFC CityMission
 
屯馬~開通~真的很~興奮~ 咪住先,喺好興奮嘅同時,大家又知唔知「宋皇臺」三隻字,背後係咩故事先? 話說距今差唔多 800 年前,南宋畀北方嚟嘅外族蒙古窮追猛打,去到亡國邊緣。為保皇族血脈,唔夠人打,惟有走啦。文天祥、陸秀夫等幾個士大夫,就帶住兩個皇子一路向南走難,一路走到落嚟香港……雖然最後喺無路可逃之下,陸秀夫惟有孭住小皇帝投海自盡,但當年呢班文官嘅氣節,忠臣不侍二主,唔會貪圖個人榮華富貴,一直為歷朝歷代所景仰。 而原來,除咗宋皇呢段故仔,宋朝同香港仲有好多淵源。好似大名鼎鼎嘅鄧氏家族,原來北宋年間已經落到嚟香港,仲快手揀埋錦田一啲靚地添。 想聽更多歷史典故?快啲 Click 入嚟《生活的立場》歷史篇:遺民的眼淚,聽陳朗昇同溫佐治講經啦!…
 
導演,我想講籃球! 呢一集,其實係半推半就下出現…… 由上星期開始,林彥邦就不停咁纏住我,「我想講 NBA」、「我想講籃球」、「唔係喎,真係可以講吓籃球喎」、「我可以放工錄喎」、「唔係喎,我可以放假錄喎。」 於是,喺佢堅持不懈(?)之下,就有呢一集出現了…… 必須要感謝家謙,趕頭趕命咁搵你,你都應承我哋。 而家公鹿對太陽打到 2 : 2,大家又有無咩心水?
 
如果哈維爾生於今日香港,佢會…… 哈維爾(Václav Havel)(1936-2011),捷克劇作家,曾於 1993 年至 2003 年間擔任捷克共和國總統。在捷克斯洛伐克時期,哈維爾一直主張人民要「活在真實中」,並因其言論、主張等而多次被捕、陷獄。 1989 年,捷克斯洛伐克舉行了第一次民主選舉,剛出獄不久的哈維爾獲選為總統。至 1992 年,捷克斯洛伐克解體,捷克共和國成立,哈維爾當選為捷克總統。 以上,係我喺維基抄返嚟嘅資料。多謝維基、多謝 Google。 講返哈維爾。引用我哋同事 Lea 嘅講法,哈維爾寫嘅《無權力者的權力》(The Power of the Powerless),已經成為咗香港人嘅「公廁讀本」,一人一本,睇書保平安。 有個講法係,社會越紛亂,越陷落,思潮就越興旺。…
 
Loading …

快速参考指南

Google login Twitter login Classic login