Download the App!
show episodes
 
Artwork

1
Sportunes HK

Sportsoho 運動版圖

Unsubscribe
Unsubscribe
每周+
 
運動版圖由2012年起開展Sportunes Podcast頻道,多年來致力邀請不同嘉賓分享運動趣聞及專業知識,為聽眾帶來多元化運動資訊,積極發掘出現於您身邊的運動熱話大小事。搜尋Sportunes或Sportsoho即可收聽不同節目,亦可到 http://www.sportsoho.com/sportunes/ 收聽及重溫。
  continue reading
 
Loading …
show series
 
非洲肯亞嘅伊藤係冠軍之鄉,孕育咗好多世界頂級長跑好手,唔少熱愛跑步嘅運動員慕名而至,香港跑手Oscar Ng就係其中之一。有別於一般人選擇嘅四至六星期高原訓練,Oscar留咗喺伊藤超過兩年。兩年嘅肯亞跑步生活,並冇令Oscar嘅長跑成績大幅提升,但所見所聞就令佢眼界大開。每日食個Ugali,就跑落玉米田,或者同二十個人一齊搭小型客貨車出市中心買食材,車尾仲有幾隻雞㖭!喺伊藤,Oscar遇過馬拉松金牌常客Eliud Kipchoge,又試過同呢位「跑神」嘅唯一教練Patrick Sang深度交流,Oscar嘅最大體會係啲咩?「求道棄術」,人應該喺跑步呢個運動上面,攞啲咩走呢? 主持:椰青 嘉賓:長跑運動員 Oscar Ng Sportunes 網站 | www.sportsoho.com/sp…
  continue reading
 
跑步最緊要係咩?跑衫?跑鞋?業餘跑手Kevin Leung就覺得跑步最緊要有伴!由以前學校體育堂嘅廿五圈跑步測試,到一個月跑三個海外馬拉松寓賽於操,冇跑伴嘅支持都未必能夠圓滿成事。因為參加咗本地嘅跑會訓練,Kevin養成咗日跑夜跑嘅習慣,仲順勢戒埋酗酒嘅陋習,跑步同跑友似乎已經分唔開。今集《又係我牛英》有Kevin同大家分享自己同跑伴們互相影響嘅故事,仲會分享吓喺英國雷丁同曼徹斯特等地方跑馬拉松嘅感受。一齊同Kevin做個朋友,建立「一夥跑步的心」的心啦! (今集錄音遇到「不可抗力因素」,無損內容但可能對音質有啲影響,敬請原諒🙏🏼) 主持:牛英 嘉賓:業餘跑手 Kevin Leung Sportunes 網站 | www.sportsoho.com/sportunes Instagram |…
  continue reading
 
佛法,往往關於「苦的生起」同「苦的熄滅」,彷彿係要人透過了解「苦」嚟認識生命同宇宙萬物嘅規律,從而「離苦得樂」。前甲一籃球員曾憲鏜(Ewing),曾經因為一場街波而深陷於網絡欺凌嘅苦,不過早年開始信奉佛教,而家睇返往事就有另一番解讀。目前係籃球教練嘅佢,喺學生同自己嘅仔仔眼中係一位佛系教練,仲有脾氣但就冷靜得多,係一位願意同年青人一齊行嘅老師。Ewing話,因為有過低谷,先知道「清淨」嘅重要,但要點樣將呢個概念融入平時嘅生活同教學到呢?聽吓今集《Sportsomate》 就知! 主持:椰青 嘉賓:佛系籃球教練 曾憲鏜 Ewing Sportunes 網站 | www.sportsoho.com/sportunes Instagram | www.instagram.com/sportunes…
  continue reading
 
每日都跑同一條路線,你會覺得悶?咁點解聽同一首歌,你又唔會悶呢?鋼琴家曾憲逸(Hin-Yat)演奏同一個樂章幾百甚至幾千次都唔會悶,係因為佢可以喺每一次嘅演繹都搵到令人興奮嘅地方。放返喺跑步,Hin-Yat都比較鍾情於跑同一條路線。唔主張聽住音樂去跑步嘅佢,更享受以自己嘅身體狀況去「編寫」當日嘅跑步節奏。琴日上斜柔韌有餘啲?今日跑得大步啲?儘管係同一跑道,每日嘅堅持同觀察,都可以為佢帶嚟無盡嘅新鮮感。今集《又係我牛英》,有而家喺香港同德國柏林兩邊走嘅Hin-Yat,分享佢嘅音樂生活同跑步心得! 主持:牛英 嘉賓:鋼琴跑手 曾憲逸 Sportunes 網站 | www.sportsoho.com/sportunes Instagram | www.instagram.com/sportunes…
  continue reading
 
所謂「耳聽三分假,眼看未為真」,親身體驗都未必知道一個人嘅全部,更何況係社交平台上見到嘅嘢?選秀節目出身嘅大律師梁浩朗 Aaron 初出道時,被形容為「翻版阿Dee」,但真人其實唔係真係咁似。你以為佢文質彬彬書生味濃,原來係個貪玩又不顧形象嘅大男生,仲一星期做三日Gym,閒閒地都可以撐起自己做「人旗」兩三秒。平時只可以靠螢幕同社交平台認識呢位健身Law友,你可能已經錯過咗好多嘢,今集《Sportsomate》就由Aaron親口分享,或者可以輔助到你了解多佢少少? 主持:椰青 嘉賓:健身Law友 梁浩朗 Aaron Sportunes 網站 | www.sportsoho.com/sportunes Instagram | www.instagram.com/sportunes_by_spor…
  continue reading
 
香港泰拳代表梁伯瑜(阿魚),三十歲出頭,已經有十九年嘅泰拳履歷。有「殺人鯨」之稱嘅佢,十三歲上擂台比賽,如今仍然希望自己進步。當大家以為「殺人鯨」意思係攻擊力強、「殺人」於無形,誰知阿魚其實係以睿智應戰,自我觀察。阿魚話,輸贏對佢嚟講意義不大,最重要係喺場比賽當中,自己應該要有嘅水準有冇發揮到出嚟,係咪問心無愧。要強,就要無懼遇上更強嘅對手,直視自己嘅不足先會有進步嘅可能。 主持:牛英 嘉賓:香港泰拳代表 梁伯瑜 Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/sportuneshk Sport…
  continue reading
 
近期香港再次掀起足球狂熱,女子足球會唔會因為咁而多返啲人留意呢?平時喺電視上見植詠珊(Cathy)就見得多,但其實佢更渴望大家喺足球場上見到佢?曾經係體育記者,又係大型體育運動嘅主持,就算涉足埋電視同電影,問到目前最想飾演嘅角色,Cathy 都係答「足球員」,就知道作為香港女子足球隊「人和天鷹」球員嘅佢心繫體育圈。走唔甩嘅好處,就係可以調整步伐,多角度漫遊呢個體育世界。無論係睇自己喺女足上嘅經歷,定係了解其他運動員不止於運動嘅故事,Cathy都甘之如飴。今集《Sportsomate》,我哋就同Cathy對調角色,參與呢位運動員嘅Day Off。 主持:椰青 嘉賓:香港女子足球員 植詠珊 Cathy Sportunes 網站 | www.sportsoho.com/sportunes Inst…
  continue reading
 
玩定向需要方向感,對自己嘅人生都要有方向感,就好似《Sportsoho運動版圖》2024年2月號嘅封面人物——定向運動員林楚茹(Harmony)一樣,知道自己係定向運動上嘅不足,就識得加強跑步訓練。定而優則跑嘅佢,定向運動表現固然有所提升,連越野方面嘅成績都愈嚟愈出色。今集《又係我牛英》,Harmony會分享自己嘅定向運動故事,亦會講吓跑山訓練同定向點樣互相配合。原來佢都試過蕩失路喺山上面喊?想用最短時間抵達終點要膽大心細,牛英提出咗個建議但Harmony一聽到就話唔Work,點解唔可行呢? 主持:牛英 嘉賓:香港定向運動代表 林楚茹 Harmony Sportunes 網站 | www.sportsoho.com/sportunes Instagram | www.instagram.co…
  continue reading
 
曾渤朗(阿朗)係香港攀登代表,經常出戰速度賽事。要用幾秒時間就爬到上15米高嘅終點,事前點都要規劃一下,但係咪有路線就一定會成功?或者好多時候更重要嘅係衝動同決心。所謂「世上無難事 只要肯攀登」,大膽試就有好多可能。都係因為大膽行多步,阿朗先會有自己嘅抱石體驗館,以及同五十多六十歲嘅爸爸一齊去美國攀石嘅珍貴回憶。講返起美國之旅,阿朗仍然覺得好驚險,不過亦因為咁,佢先睇到爸爸嘅厲害之處。至於抱石小館,阿朗坦言當時係因為想逃避現實,先把心一橫開始經營,但就係呢一下,逐漸令呢位本身冇乜生涯規劃嘅年輕人,建構起自己畢業後嘅目標。 主持:椰青 嘉賓:香港速度攀登代表 曾渤朗 Sportunes 網站 | www.sportsoho.com/sportunes Instagram | www.insta…
  continue reading
 
能夠完成世界六大馬嘅跑友唔多,年屆七十歲嘅長青跑手盧仲強(Ivan)係其中一位,佢仲就快二刷六大馬!由一九七幾年開始玩吓長跑,Ivan斷斷續續跑咗五十年,由以前嘅追成績到後來開心跑,當中嘅身心狀態有咩變化?東京馬拉松同波士頓馬拉松有咩唔同呢?如果六大馬唔係最終目標,第七隻馬又可以喺邊度實行?多年跑步經驗,令Ivan建立咗自己一套跑步哲學,想長跑長有嘅各位不妨睇吓啱唔啱自己,仲可以靜落嚟或者望住更衣室塊鏡問吓自己:「跑步為咩?」 主持:牛英 嘉賓:六大馬長青跑手 盧仲強 Ivan Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | w…
  continue reading
 
細個長輩會話坐唔定嘅小朋友係「甩繩馬騮」,原來當中嘅甩繩動作,其實係一項運動。甩繩,英文係Rope Flow,中文翻譯多數稱呢個運動為繩流。照字面意思理解,即係身體隨住繩移動嘅方向而「流動」。人帶動繩,同時繩帶動人。繩流教練Sara Leung喺疫情時認識咗呢項運動,從此以後就人繩合一,連去旅行都要喺名勝前甩一甩。雖然同跳繩一樣,繩流只需要一條繩,但呢項運動其實仲有跳舞、太極、耍雙截棍等等嘅運動元素喺裡面。想知繩流點玩?今集《Sportsomate》同椰青一齊重拾兒時揈書包回憶,齊齊學玩呢個新興運動。 主持:椰青 嘉賓:繩流教練 Sara Leung Sportunes 網站 | www.sportsoho.com/sportunes Instagram | www.instagram.co…
  continue reading
 
運動人最需要就係一個同自己契合到嘅教練,但教練唔係一出世就識做教練,所以佢要學習嘅嘢同你一樣咁多,甚至更多。周志洋(Anthony)同時係一位健身及跑步教練,所具備嘅知識同教學技巧都非一日鍊成,呢啲嘢佢係喺邊度學返嚟?Anthony 師承幾位分別嚟自健美、越野及跑步界別嘅教練,佢自己又從中袋咗啲乜嘢落袋?做咗教練一段時間,Anthony對運動訓練都有一套心得,今集《又係我牛英》,我哋同Anthony一齊「見天地、見自己、見眾生」。 主持:牛英 嘉賓:健身及跑步教練 周志洋 Anthony Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Faceboo…
  continue reading
 
咩係主場?你對自己嘅主場又有幾認識?香港嘅文化、歷史、藝術,甚至運動發展,你有幾想去了解?本地籃球資訊平台SLAB嘅創辦人Jason Yip,自己會主動接觸有關方面嘅知識之餘,亦嘗試將運動同文化藝術結合,令圈子以外嘅人都願意聽吓香港故事。無論你鍾唔鍾意籃球,可能都聽過「黃金鐵籠」啟業邨籃球場,而家去呢個地方嘅人唔再局限於跟機打籃球嘅街場球迷,仲有喜愛本土文化嘅朋友;大坑舞火龍,原本係香港傳統文化,中秋節先見到一兩面,原來又可以結合籃球做個Crossover。推動運動產業,除咗運動本身,仲有好多嘢我哋可以留意。 主持:椰青 嘉賓:SLAB創辦人 Jason Yip Sportunes 網站 | www.sportsoho.com/sportunes Instagram | www.instag…
  continue reading
 
《體能之巔:百人大挑戰》喺亞洲紅極一時,亦掀起咗一陣混合健身熱潮,但香港嘅CrossFit Box數量仍然冇乜增長,而且大部分都唔係本地人經營,點解呢?曾經奪得香港十大最佳教練殊榮嘅CrossFit教練 梁智鈞(CK)就一語道出咗其中嘅問題。可幸嘅係,CK並冇因為大環境而放棄呢個令佢著迷嘅運動,反而同一群嚟自唔同運動界別、但志同道合嘅朋友合力經營咗一間佔地過萬呎嘅體能訓練中心,希望壯大香港嘅運動社群,嘗試做返帶領運動風潮嘅角色。人做你先做,就已經遲,要洞察先機,可能就要好似CK咁,睇準自己嘅優勢,乘勝出擊。 主持:牛英 嘉賓:2023年香港十大最佳教練得主 梁智鈞 Sportunes 網站 | www.sportsoho.com/sportunes Instagram | www.insta…
  continue reading
 
喺香港藝能界,衝動派嘅藝人除咗有吳卓羲,原來仲有《海女日記》嘅馮寶欣。因為諗到就想做,寶欣由唔做運動,變成考咗兩個潛水牌嘅海女,而佢喺成功考牌嘅九個月前,係連游水都未識。同樣因為衝動,佢仲開始咗自己嘅寵物零食品牌,一手一腳為寵物們製作小食。衝動未必係壞事,諗多步亦唔見得老土,寶欣話潛水令佢學到冷靜嘅重要,而家做決定前都會清清頭腦,諗多一秒。今集《Sportsomate》,同你一齊了解吓衝字行頭嘅寶欣,聽埋佢嘅新年願望! 主持:椰青 嘉賓:香港(海)女藝人 馮寶欣 Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.faceb…
  continue reading
 
啱啱喺「新鴻基地產香港單車節」奪得公開組亞軍嘅游秉璋 Stuart,好細個已經跟住爸爸喺公路上風馳,剛滿19歲嘅佢可以話係一粒甚具潛力嘅單車新星。Stuart話自己能力未必係最好,所以就要靠經驗令自己喺比賽中有更多優勢。以早前曾遠赴意大利訓練為例,Stuart喺短短三個月已經參加咗七個比賽。親身體驗過當地車手嘅專業級水平,Stuart坦言返到香港有少少意志消沉,擔心自己永遠都去唔到呢個水平;好彩經過教練、屋企人同隊友嘅鼓勵,佢好快就重整旗鼓,下定決心精益求精。 主持:牛英 嘉賓:單車新星 游秉璋 Stuart Sportunes 網站 | www.sportsoho.com/sportunes Instagram | www.instagram.com/sportunes_by_sports…
  continue reading
 
杭州亞運嘅壘球場上,終於響起廣東歌。《紅日》嘅歌詞,加上經歷完種種,聽到歌嘅一刻,連外表硬朗嘅香港女子壘球代表隊成員林佩君(Yaffa)都話:「大佬,你邊會忍到啲眼淚㗎?」人生冇乜幾何可以All In做一樣嘢,Yaffa同隊友們為咗最愛嘅壘球,決定全力上壘一次,結果未必係一般人眼中嘅最好,但都足以成為難以忘記嘅毛管戙時刻。比賽完結,返返打工仔生活,Yaffa望住人哋練習嘅相,依然會心生羨慕,唔知硬頸嘅佢嚟緊又會為「真愛」做啲咩呢? 主持:椰青 嘉賓:香港女子壘球代表隊成員 林佩君 Yaffa Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Faceb…
  continue reading
 
巧固球,又名君子球,唔畀攔截,又唔會有肢體碰撞,係名副其實嘅君子之爭。雖然話係新興運動,但其實喺1970年已經有第一屆嘅巧固球錦標賽,而近年香港巧固球代表隊亦喺唔同比賽上攞到相當亮麗嘅成績,仲曾經贏過多屆世界排名第一嘅台灣隊。今集《又係我牛英》,邀請到巧固球女子代表隊成員陳家堯 Yoyo,同大家詳細分享參與呢種君子運動嘅樂趣。巧固球安全系數高,但原來都有機會受傷?對手傳緊波都要避開嘅情況下,點樣先可以喺比賽中攞到更高分數而勝出呢? 主持:牛英 嘉賓:香港巧固球代表隊成員 陳家堯 Yoyo Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Faceboo…
  continue reading
 
曾經代表香港出戰三項鐵人亞洲盃奪冠而回,又曾獲得年度傑出青少年運動員殊榮嘅三鐵運動員文麗淇(Nicole),轉眼間即將進入16歲青年組別。回顧由小二開始嘅運動員生涯,Nicole話學到嘅嘢非常豐富,喺訓練中亦有所覺悟。雖然只係得十多歲,但Nicole已經有好多故事可以分享。從失誤中學習,從比賽中調整,Nicole話最緊要係控制到自己嘅心態。幾時要平靜,幾時要有突破嘅心,都係一門學問。今集《又係我牛英》有少年三鐵運動員文麗淇擔當大家嘅小小心靈輔導。 主持:牛英 嘉賓:少年三鐵運動員 文麗淇 Nicole Sportunes 網站 | www.sportsoho.com/sportunes Instagram | www.instagram.com/sportunes_by_sportsoho …
  continue reading
 
劉榮業、 梁帥榮、李健和⋯⋯呢啲名你有冇聽過?佢哋都曾經有份締造香港足球歷史。港足球迷一毫子眼見香港嘅體育歷史無處可尋,於是同另一位協作者吳家褀帶住球員昔日嘅波衫,嗰件香港製造、曾經流落印尼市集嘅波衫,走訪15位球員名宿,由佢哋親自講述當初嘅輝煌故事。一場比賽,由五位正選球員分別敘述,歷史就可以立體地呈現喺現代人嘅眼前。《We Have A Dream 我們的港隊》就好似一本歷史書,令香港體壇嘅故事唔再係傳說,而係被詳細記錄嘅歷史檔案。年過半百嘅球員,見返自己當時著嘅波衫有啲咩感受?作為球迷嘅一毫子又做咗啲咩,令唔係球迷嘅人都願意攞起呢本書嚟睇? 主持:椰青 嘉賓:《我們的港隊》協作者 一毫子 Sportunes 網站 | www.sportsoho.com/sportunes Instag…
  continue reading
 
舉,係舉重;打,係泰拳、摔跤同MMA。舉一打三係多棲搏擊運動員李俊賢(Jeremy)目前嘅運動人生。同時係香港泰拳同摔跤代表隊成員,要全方面加強自己嘅格鬥能力,Jeremy除咗要喺各個武術領域鑽研技術之外,佢仲開拓咗自己喺舉重方面嘅路。力從平地起,舉重同搏擊原來甚多相似之處。泰拳出身嘅Jeremy會唔會特別容易掌握舉重技巧?咁多樣運動要發展,各項格鬥比賽又接踵而來,Jeremy平時係點分配時間訓練㗎呢? 主持:牛英 嘉賓:多棲搏擊運動員 李俊賢 Jeremy Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.faceboo…
  continue reading
 
明明記得滾軸溜冰唔係淨係喺地面發生,係可以同滑板一樣上欄杆、落樓梯、轉體⋯⋯仲曾經喺尖東一帶風靡一時,點解呢項極限運動會突然神秘消失?今集《Sportsomate》有香港職業特技直排輪運動員(自稱)梁澍霆 Tree 同大家講吓其中嘅故事。年紀輕輕嘅Tree,竟然有份復興潮流,同昔日嘅前輩級運動員一齊玩嘅時候佢有咩感覺?呢項運動又有啲咩魔力,吸引到Tree自費飛到海外,同當地國手一較高下?大家係時候喺屋企搵返你(或者你父母)嘅直排輪出嚟,開返啲City Pop音樂,同Tree喺聖誕燈飾下用雙腳享受尖東海傍嘅海風喇! 主持:椰青 嘉賓:香港職業特技直排輪運動員 梁澍霆 Tree Sportunes 網站 | www.sportsoho.com/sportunes Instagram | www.…
  continue reading
 
香港究竟有冇真正嘅「職業拳手」?本地拳后庾滺珮(魷魚)就尷尬地表示佢覺得冇。所謂職業運動員,理應係能夠以運動員呢個角色養活自己,但職業拳手一年可能只得兩三萬收入,又點樣維持個人生活呢?可能因為咁,魷魚就特別想以呢樣嘢為目標,最近憑五連勝嘅佳績,佢終於如願獲得一份10萬美元嘅合約,成為首位獲得ONE Championship正式合約嘅香港拳手。喺呢一日嚟到之前,魷魚曾經放棄有人夢寐以求嘅大學學位,亦曾經患上厭食症,疫情三年更加可以迷惘嚟形容,但被高舉手嘅一刻,呢一切都唔重要喇。 主持:牛英 嘉賓:首位ONE合約本地拳手 庾滺珮(魷魚) Sportunes 網站 | www.sportsoho.com/sportunes Instagram | www.instagram.com/sportun…
  continue reading
 
去墨西哥深造瑜伽?做瑜伽唔係要喺好安靜嘅環境先做到㗎咩?電影中嘅墨西哥又槍戰又大毒梟好亂喎!疫情嘅時候望住屋企窗外冇變過嘅風景,香港唱作歌手黎曉陽(Michael)嘅心情同印象中嘅墨西哥一樣咁亂,然後佢去咗墨西哥深造瑜伽。Michael 話,喺墨西哥佢學識咗打開個心,隨心而行、活在當下,體驗不一樣嘅生活同文化。喺好多人眼中,Michael只係一個好彩嘅廢青,但佢深知道呢啲唔係好彩,係佢自己揀,而佢亦相信佢做嘅每個決定都係有原因、受眷顧。 主持:椰青 嘉賓:治癒系唱作歌手 黎曉陽(Michael) Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Fac…
  continue reading
 
前香港體操代表,有「香港吊環王子」之稱嘅吳翹充(Kelvin)早前宣佈正式退役,轉職港隊體操教練。Kelvin曾經為香港贏得歷史性第一面世界盃獎牌,更成功爭取體操成為體院重點資助運動之一,如今身分轉換,Kelvin嘅任務依然離不開為香港體操爭取更多。回顧長達28年嘅體操運動員生涯,Kelvin同大家一樣,都為佢堅強嘅意志而自豪。經歷4次大手術,不斷「重新學行」,Kelvin所體會嘅甜酸苦辣令人肅然起敬。跟住落嚟,我哋就一齊期待Kelvin下一章嘅體操故事啦! 主持:牛英 嘉賓:香港吊環王子 吳翹充 Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Fa…
  continue reading
 
"BODY ROLLS ARE NORMAL!" 野人如是說。作為一位公眾人物,野人同好多幕前藝人一樣,社交媒體上嘅每張相都係最佳狀態。自細喺鎂光燈下長大,野人坦言自己有容貌同身材焦慮,每時每刻都覺得自己不足。「肉肉」嘅時候嫌自己肥;瘦嘅時候嫌自己冇曲線;身材標準嘅時候都可以嫌自己手指唔靚⋯⋯曾經喺教瑜伽嗰陣,被經理委婉地要求減肥,野人開始反思身體自愛嘅重要。點解教瑜伽就一定要玲瓏有致呢?點樣先係「正常」身材?做人係咪一定要對自己咁嚴格呢?嚴格嘅背後究竟係想要啲咩?今集《Sportsomate》,我哋一齊學習愛上自己嘅身體。 主持:椰青 嘉賓:香港藝人 野人 Sportunes 網站 | www.sportsoho.com/sportunes Instagram | www.instagra…
  continue reading
 
牛英話,以前學打拳,師傅話點打就點打;即將成為數學博士嘅鄧創文就話,出一次拳、轉一次身都要有理據有邏輯。25歲先開始真正進入拳擊,鄧創文並冇因為咁而心急,理科底嘅佢要求自己喺學拳嘅過程中,以科學及系統性嘅角度了解每套動作,從而認清自己喺擂台上嘅優勢。探討完外在技巧,鄧創文仲同牛英分享咗自己喺心理同精神上嘅鍛練,所謂嘅「訓練Buddy」究竟喺一個咩情況下出現?佢嘅出現又點幫到鄧創文喺搏擊運動上有所突破? 主持:牛英 嘉賓:數學博士生拳擊手 鄧創文 Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/s…
  continue reading
 
瓶頸,意思係遭遇阻礙,以致影響事物順暢發展。職業運動員苦惱嘅事之一,就係瓶頸往往唔係得一個,亦唔會只出現喺一個時段。喺剛過去嘅杭州亞運奪得一面個人銅牌嘅香港壁球運動員梁子軒(Henry),就深明呢個道理。Henry曾經遭遇過不知名不適,身體一熱就會出現無比痕癢嘅紅疹,想比賽但有心無力;又試過啱啱迎嚟職業生涯小高峯,預備好持續進步,但就因為疫情白白斷送如虎添翼嘅機會⋯⋯Henry話呢啲煩擾嘅瓶頸位間唔中都仲會出現,但有感自己慢慢學識同佢哋共存,已經係一個好嘅狀態。 主持:椰青 嘉賓:亞運壁球個人銅牌得主 梁子軒(Henry) Sportunes 網站 | www.sportsoho.com/sportunes Instagram | www.instagram.com/sportunes_by…
  continue reading
 
想突破嘅人會一直尋求令自己進步嘅機會,總係 On The Way 在途中。梁庭瑋(Alfonso)曾經係香港青年單車代表,投身職場後依然心繫單車,可惜香港嘅配套並唔足夠令自己持續地進步,所以Alfonso決定自費去法國訓練。由搵地方、搵車會到搵比賽,Alfonso全程都係自己嚟。唔識法文嘅佢,為咗表達自己嘅誠意,每封聯絡當地車會嘅電郵都係以法文撰寫,仲細心到留意埋法國嘅休季同賽季,以確保溝通順利。過程中撞過幾次板嘅Alfonso,會喺今集《又係我牛英》慷慨地分享自己嘅經驗,有興趣去海外訓練嘅朋友想攞貼士就唔好錯過喇! 主持:牛英 嘉賓:途中。單車友 梁庭瑋(Alfonso) Sportunes 網站 | www.sportsoho.com/sportunes Instagram | www.…
  continue reading
 
由4歲進入滾軸溜冰嘅世界,王蘊妮(Mimi)至今依然尋找緊運動生涯中嘅每塊碎片,希望可以推砌出更多令佢堅持落去嘅理由,可能係世大運嘅爭議;可能係雅加達亞運因傷被淘汰;可能係以唯一速度滾軸溜冰運動員身份參與杭州亞運⋯⋯呢啲令Mimi人生起起跌跌嘅片段,曾經令九成時間都笑面迎人嘅佢動過「搵返份正常工」嘅念頭。平時要偷偷哋喺足球場練習,儘管場人冇人都要被趕,香港嘅滾軸溜冰代表平時係點訓練?Mimi喺今屆亞運以第六名畢業,佢又滿唔滿意自己表現呢?今集《Sportsomate》有王蘊妮(Mimi)同你打開佢嗰本Speed Skating紀念冊。 主持:椰青 嘉賓:速度滾軸溜冰運動員 王蘊妮(Mimi) Sportunes 網站 | www.sportsoho.com/sportunes Instagr…
  continue reading
 
入咗跑坑,就會發現勁人多的是,有時都會懷疑佢哋係咪一年365日都咁跑得㗎呢?今集《又係我牛英》嘅嘉賓——RMAC「沙田10K」河畔賽2023中, 以40:28勇奪女子全場總冠軍嘅長跑女將黃詠儀(Janet)就以自己嘅故事話你知:唔係㗎!Janet就好似一本跑緊嘅故事書,由中學跑到而家,無論係個人狀態抑或跑步成績,內容都係不斷起起跌跌,時而興奮時而失落,同你同我都一樣。除咗跑步受傷呢啲不可控制因素之外,Janet仲經歷過啲咩令佢嘅跑步人生受到影響?一齊擔櫈仔聽Janet講故仔喇! 主持:牛英 嘉賓:長跑女將 黃詠儀(Janet) Sportunes 網站 | www.sportsoho.com/sportunes Instagram | www.instagram.com/sportunes_…
  continue reading
 
有人形容摔角係以格鬥形式呈現嘅舞台劇藝術,所謂戲如人生,嚟自「港摔」嘅本地摔角手Mikey Man認為擂台上嘅佢其實亦係扮演緊現實中嘅你同我。世界上有幾多人自以為正義但做緊最唔公平嘅嘢?又有幾多被定義為邪惡嘅人,所有付出嘅努力都輕易地被抹殺?可以做英雄,Mikey Man偏偏就揀做反派,角色設定「為勝利不擇手段」嘅佢,非常樂於畀台下觀眾喝倒采。最近Mikey Man喺一場摔角賽中贏到金腰帶,但亦喺同一日輸返,不過佢就話呢次係佢人生至今最難忘嘅摔角比賽,直情係圓夢咁話。想聽Mikey Man嘅摔角人生?即聽今集《Sportsomate》! 主持:椰青 嘉賓:香港摔角手 Mikey Man @ 港摔 Sportunes 網站 | www.sportsoho.com/sportunes Insta…
  continue reading
 
由初初做瑜伽、健身,到後來接觸跑步、跑山,運動型女 Miss DaDa Wong 黃子澄形容自己已經上咗癮。每日返工前跑,放工又跑,Dada話呢個就係佢放鬆嘅時間。因為運動係用嚟減壓,所以Dada好少再喺運動上畀更多壓力自己——目標唔使定太高,最緊要自己做得到。用汗水延續開心,每日望住自己小小嘅進步,就會輕易堅持到做運動呢個習慣。如果運動係一種癮,你係咪同Dada一樣,已經不能自拔? 主持:牛英 嘉賓:運動型女 Miss DaDa Wong Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/spo…
  continue reading
 
香港跳唱歌手 蔡港評(Kobbie)不停強調自己係個幸運嘅人,但唔努力去做又點會察覺到其中嘅幸運?無論係細個咩運動都試、學跳舞、出道做歌手,定係近來推廣Step Aerobics,Kobbie都係一步一步咁行出嚟。今集《Sportsomate》,Kobbie除咗會話你知Step Aerobics係咩運動、有幾好玩幾吸引之餘,佢仲會分享埋由舞蹈員到成為幕前歌手嘅心路歷程。唱起《Proud of Me》嘅佢,當時原來並唔太為自己驕傲? 主持:椰青 嘉賓:香港跳唱歌手 蔡港評(Kobbie) Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook…
  continue reading
 
跑步,有人為健康; 有人為興趣;有人為成績⋯⋯資深跑步教練 華進 深明呢一點,所以佢主張「教」大家搵跑步嘅樂趣。一樣米養百樣人,一樣嘅跑步都可以孕育唔同嘅跑手。華進話,無論係跑手自己,定係教練,「愛」同「聆聽」都好重要,唯有好好聆聽,先知道自己或者學員需要啲乜。按自己步伐循序漸進,喺跑步呢項運動上面追求啲乜都冇錯,只要你享受跑步、喜歡跑步就係最好嘅結果。 主持:牛英 嘉賓:資深跑步教練 華進 Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/sportuneshk Sportsoho 網站 | w…
  continue reading
 
2020 東京奧運,滑板首度被納入為正式比賽項目,而奪得奧運歷史上首面女子街式滑板金牌嘅西矢椛年僅13歲。喺香港,亦有一位女子滑板運動員喺13歲開始佢嘅板女生涯,佢個名叫蘇康喬(Jacqualine)。疫情期間太悶冇地方去,Jacqualine喺屋企發現咗爸爸買落嘅滑板,奇秒之門就喺呢刻打開。由屋企附近嘅平地開始,練到去香港嘅板場、隱世橋底⋯⋯最近仲去埋南京,首次體驗國家級訓練。曾經講過想成為全職滑板運動員嘅Jacqualine,望住設備齊全嘅室內場館、試過朝8晚6嘅滑板訓練之後,有啲咩體會同覺悟?選拔隊同國家隊嘅訓練模式,最大分別又係咩呢? 主持:椰青 嘉賓:香港全職板女-to be 蘇康喬 Sportunes 網站 | www.sportsoho.com/sportunes Instag…
  continue reading
 
今年只有24歲,但香港三鐵代表余承謙(Mark)已經成為職業運動員5年。由港青去到公開組,Mark話無論係個人訓練心態定係教練對待自己嘅態度,都有好大分別。今日嘅佢,喺三鐵訓練上會更著重細微嘅部分,可能係賽前做功課研究對手嘅能力;可能係戴頭盔嘅手法;都可能係踩車嘅時候同隊友之間嘅合作及競爭⋯⋯因為見微知著,一刻嘅決定已經係取勝關鍵。啱啱踏上「成人」之路,Mark嚟緊有啲咩目標?今集《又係我牛英》有年輕三鐵代表余承謙分享佢嘅轉大人故事。 主持:牛英 嘉賓:香港三鐵代表 余承謙 Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www…
  continue reading
 
曉,即係知曉、了解。但你知道嘅嘢,同我理解嘅嘢係咪一樣?正如文明世界發展千萬年,人類依然探討緊「美」嘅定義,就知道每個人追求緊嘅都不盡相同。香港紋身師阿曉,同時係一位健美運動員,身型比一般健身愛好者仲要健碩,喺好多人眼中甚至有啲「過份」,但呢樣就係阿曉所認為嘅美,係一種令佢願意承受難聽說話同目光嘅渴望。早前去英國倫敦參加有「健美界奧運」之稱嘅IFBB PRO LEAGUE系列賽事,阿曉更加從街上偶遇嘅陌生人口中,知多咗自己到底想要啲乜、更肯定自己為「美」所付出嘅種種。 主持:椰青 嘉賓:香港紋身師 阿曉 Sportunes 網站 | www.sportsoho.com/sportunes Instagram | www.instagram.com/sportunes_by_sportsoho…
  continue reading
 
以前係行步樓梯都喘氣、太陽曬少少都耍手擰頭嘅OL,幾年後竟然變成一位密密出拳都面不改容嘅拳后,究竟中間發生過咩事?今年先真正成為職業拳手,陳衍婷(Kate)喺首三場職業賽維持不敗紀錄之餘,其中一場仲KO泰國對手攞埋金腰帶。聽Kate講嘢溫溫柔柔,點估到一上擂台就變獅子?Kate話一出場,個人就會變,眼前嘅對手就係獵物,每一刻都要諗點樣可以捕獵到對方。為自己而戰,原來係咁吸引。 主持:牛英 嘉賓:香港職業女拳手 陳衍婷 Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/sportuneshk Spo…
  continue reading
 
「香港,勝在有Locker。」喺波蘭克拉科夫完成咗為期約3個月嘅訓練,中長距離運動員Halu話香港有香港嘅好,不過佢就絕對冇後悔參與呢次海外訓練。Halu形容今次訓練除咗幫佢「砌好咗蛋糕個底」,仲強大咗佢嘅心臟。呢一年,Halu選擇暫時放低工作,全心全意投入喺跑步,瘋狂得令你同我都羨慕,但其中嘅意義又豈止於此?今集《Sportsomate》,有Halu親口同你分享89日波蘭訓練日誌,由河濱跑步被偷嘢講起,再到發現快乾衫嘅奧秘,仲有挪威Ingebrigtsen Brothers式嘅跑步體驗同領悟,仲唔夠豐富? 主持:椰青 嘉賓:中長距離跑手 Halu Sportunes 網站 | www.sportsoho.com/sportunes Instagram | www.instagram.com…
  continue reading
 
菲律賓魔杖傳入香港其實都差唔多20年,但Kalis Brotherhood嘅潘凱鋒(Elvan)就話到而家,依然有好多人唔知呢項運動係咩嚟。「阿媽問我去邊,我都係話去耍棍咋!」Elvan笑說。菲律賓魔杖嚟到香港,演變成唔同流派,而Elvan所屬嘅Kalis Brotherhood就將佢變成一種以棍代刀嘅武術訓練模式。因為太鍾意呢項運動,佢仲同師父及一眾師兄弟搞咗一場又一場屬於香港人嘅菲律賓魔杖比賽。你以為只係攞咗支棍扑嚟扑去咁簡單?少年你太年輕了!今集《又係我牛英》,Elvan就由自己嘅「中二病」講起,分享吓菲律賓魔杖嘅魅力所在。 主持:牛英 嘉賓:Kalis Brotherhood 潘凱鋒 Sportunes 網站 | www.sportsoho.com/sportunes Instagr…
  continue reading
 
亞運同奧運多咗霹靂舞項目,呢項運動嘅認受性突然多咗好多。但同所有運動項目一樣,可能好多人都知咩係霹靂舞,但參與其中嘅運動員就未必會被記住。今集嘉賓Bboy 4our(陳瑩駿),係香港霹靂舞運動員,仲啱啱代表香港去咗葡萄牙波圖參加奧運積分賽,不過都未必有人認得呢個名。Bboy 4our坦言想被認識,但認為目前最重要係畀世界知道有香港呢個地方。只有香港出現喺世界舞台,先會有霹靂舞新一代嘅出現。Bboy 4our:「都係賭一舖㗎咋,想為後起之秀贏一個未來。」 主持:椰青 嘉賓:香港霹靂舞代表 Bboy 4our Sportunes 網站 | www.sportsoho.com/sportunes Instagram | www.instagram.com/sportunes_by_sportsoh…
  continue reading
 
180公里單車、3.8公里游水、42公里全馬,斬件咁睇每一項都已經唔容易,但三項鐵人運動員鄭泓(Ruby Cheng)完成到包含以上所有內容嘅IRONMAN不特止,仲以10小時47分30嘅佳績勇奪第二名!企櫈仔嘅澳洲開恩茲IRONMAN之旅究竟係點?細個討厭游水嘅Ruby到底係點樣一步一步征戰IRONMAN呢個三項鐵人嘅經典賽事?回想第一次比賽,游水出身嘅Ruby爭少少就要喺海中央舉手求救,佢喺當中學咗啲咩呢?今集《又係我牛英》,有Ruby同你分享佢嘅游水小秘密之餘,仲以自身故事話畀你聽,咩係真正嘅 "No Limits"。 主持:牛英 嘉賓:三鐵運動員 Ruby Cheng Sportunes 網站 | www.sportsoho.com/sportunes Instagram | www…
  continue reading
 
港產片《全個世界都有電話》講述三位主角喺25年前後嘅改變同成長,25年,咩都可以變,連點樣看待「改變」都可以變。電影導演黃浩然係前曲棍球港隊代表,玩咗曲棍球30年,仲曾經代表香港出戰第十屆全運會,回想起當年面對世界級射手,導演依然講得津津有味。不過呢30年嘅運動經驗,並冇令導演繼續留喺曲棍球場上。「唔享受點解仲要留喺度?」導演話自己唔係豁達,係認清事實。只有認清自己嘅位置,專注自己一步一步做,先會達到目標。否則,改變其實只係一句口號。 主持:椰青 嘉賓:前曲棍球港隊代表 黃浩然導演 Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook |…
  continue reading
 
香港話大唔大,話細唔細,但可以以車代步的話,相信唔少人都唔會揀用自己雙腳。黃顯文(Herman)都係用車者之一,不過Herman嘅車係兩個轆嘅單車,都係要用到自己嘅腳。每日返工都會由屋企踩到去返工嘅地方,閒閒地都要一個鐘頭,不過Herman就話呢個先係佢休息嘅時間。以單車通勤咗幾年,Herman呢位低碳騎行者有啲咩踩車貼士同大家分享呢?佢所參與嘅團體"Eco-Riders"又係點樣推動香港成為單車友善城市?眾所周知,主持牛英都係單車友,佢同Herman傾偈仲勾起咗好多兒時回憶,今集《又係我牛英》,一齊聽吓單車騎行者嘅二三事。 主持:牛英 嘉賓:低碳騎行者 黃顯文 Sportunes 網站 | www.sportsoho.com/sportunes Instagram | www.instag…
  continue reading
 
好多人會將「殘疾」同「甩皮甩骨」畫上等號,所以陳浩源(Daniel)決意成立香港首支由殘疾人士組成嘅專業演講隊,為有需要嘅朋友提供平台同訓練,令佢哋更明白自己嘅優勢,更願意以自己嘅故事激勵他人。對作為2020東京殘疾人奧運會輪椅羽毛球銅牌得主、香港首位亦係暫時最後一位輪椅羽毛球運動員嘅Daniel嚟講,我哋生而為人已經係一個活生生嘅故事,只在於我哋用乜嘢方式呈現出嚟,而Daniel就選擇咗自己最擅長嘅「演講」。Daniel話,如果香港輪椅羽毛球嚟緊冇新血,佢嘅名亦終將會被遺忘,所以佢好想同其他人一樣,發掘更多運動以外嘅面向,好讓自己繼續喺「傷健共融」呢方面努力。 主持:椰青 嘉賓:香港輪椅羽毛球運動員 陳浩源 Sportunes 網站 | www.sportsoho.com/sportune…
  continue reading
 
滑翔傘教練林芝強(Rio)熱愛飛行,除咗會喺香港傲翔天際,亦敢於以滑翔傘遊歷世界。今次嘅滑翔傘之旅比較特別,Rio喺旅程開初放低咗佢隻大鳥,先喺受戰火洗禮嘅烏克蘭渡過咗兩星期嘅義工時間,之後先出發巴爾幹半島繼續佢嘅冒險。Rio形容今次義工體會深刻,烏克蘭人民嘅堅定同樂觀令佢深深拜服。嚐「苦」確實無奈,但只要相信苦後有甜,所有發生過嘅事都會顯現到佢嘅價值。就好似Rio今次嘅旅程咁,佢形容後半部分嘅滑翔傘之旅係「甜品」,但冇喺烏克蘭嘅體會同見聞,都未必能夠明白原來「甜」係有咁多種層次? 主持:牛英 嘉賓:滑翔傘教練 林芝強 Sportunes 網站 | www.sportsoho.com/sportunes Instagram | www.instagram.com/sportunes_by_s…
  continue reading
 
行山,順便識朋友;識朋友,順便執垃圾;執垃圾,順便組團淨山;淨山,順便推廣「香港製造」。專頁 @hiketoclean 淨山轉運嘅版主阿源,因為自己鍾意行山,順個便就做多咗好多嘢。一樣米養百樣人,世界上總有人係冇乜公德心,行山嗰陣點都唔肯帶走自己嘅垃圾。你唔執,我唔執,山上面嘅垃圾係咪就會憑空消失?阿源嘅淨山團旨在愉快行山,順便執少少垃圾:每人做多少少,已經幫到個環境轉運。阿源仲根據自己同一眾行山友嘅經驗,搜羅咗最適合嘅鉗當係紀念品送畀團友,個鉗袋呢?畀本地家庭主婦幫手車!佢哋都係做家務嗰陣,順便搵少少外快咁囉~ 主持:椰青 嘉賓:山界執男 阿源 Sportunes 網站 | www.sportsoho.com/sportunes Instagram | www.instagram.com/…
  continue reading
 
常言道:「創業難,守業更難」,將呢句說話套落運動員身上一樣啱用。攞冠軍已經唔容易,要守住個冠軍仲難,咁香港搏擊運動員楊曉茹早前達到職業生涯五連勝,期間仲畀WIBA世界冠軍得主公開挑戰,呢場冠軍頭銜防衛戰究竟有幾難打?主持牛英問將進軍世界前十五強嘅曉茹嚟緊目標係乜:「係唔係要入世界前十名呀?」你哋估吓曉茹點答佢?今集《又係我牛英》,有香港職業女拳手楊曉茹放低擂台上嘅「狠」,同你分享呢一年由業餘拳手轉為職業拳手嘅點滴。 主持:牛英 嘉賓:五連勝亞洲拳后 楊曉茹 Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook…
  continue reading
 
喺今年學界精英籃球賽同隊友一齊為學校攞返失落咗23年嘅冠軍,自己亦成為賽事中嘅MVP(最有價值球員),旁人都雀躍地將呢啲開心事掛喺嘴邊,但由張嘉謙把口講出嚟,竟然有種雲淡風輕嘅味道;但提到早前首次代表香港遠赴蒙古烏蘭巴托參與東亞青年運動會,嘉謙嘅興奮程度就大得多,眼界大開嘅佢發現自己尚有偌大嘅進步空間,小至日常執拾行裝都有值得學習嘅地方。最後一年中學生涯,將要跳入大專甚或甲組嘅世界,嘉謙仰望嘅距離會有幾遠? 主持:椰青 嘉賓:學界籃球MVP 張嘉謙 Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com…
  continue reading
 
Loading …

快速参考指南