Sportsoho播客

港產片《全個世界都有電話》講述三位主角喺25年前後嘅改變同成長，25年，咩都可以變，連點樣看待「改變」都可以變。電影導演黃浩然係前曲棍球港隊代表，玩咗曲棍球30年，仲曾經代表香港出戰第十屆全運會，回想起當年面對世界級射手，導演依然講得津津有味。不過呢30年嘅運動經驗，並冇令導演繼續留喺曲棍球場上。「唔享受點解仲要留喺度？」導演話自己唔係豁達，係認清事實。只有認清自己嘅位置，專注自己一步一步做，先會達到目標。否則，改變其實只係一句口號。 主持：椰青 嘉賓：前曲棍球港隊代表 黃浩然導演 Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook |…

香港話大唔大，話細唔細，但可以以車代步的話，相信唔少人都唔會揀用自己雙腳。黃顯文（Herman）都係用車者之一，不過Herman嘅車係兩個轆嘅單車，都係要用到自己嘅腳。每日返工都會由屋企踩到去返工嘅地方，閒閒地都要一個鐘頭，不過Herman就話呢個先係佢休息嘅時間。以單車通勤咗幾年，Herman呢位低碳騎行者有啲咩踩車貼士同大家分享呢？佢所參與嘅團體"Eco-Riders"又係點樣推動香港成為單車友善城市？眾所周知，主持牛英都係單車友，佢同Herman傾偈仲勾起咗好多兒時回憶，今集《又係我牛英》，一齊聽吓單車騎行者嘅二三事。 主持：牛英 嘉賓：低碳騎行者 黃顯文 Sportunes 網站 | www.sportsoho.com/sportunes Instagram | www.instag…

好多人會將「殘疾」同「甩皮甩骨」畫上等號，所以陳浩源（Daniel）決意成立香港首支由殘疾人士組成嘅專業演講隊，為有需要嘅朋友提供平台同訓練，令佢哋更明白自己嘅優勢，更願意以自己嘅故事激勵他人。對作為2020東京殘疾人奧運會輪椅羽毛球銅牌得主、香港首位亦係暫時最後一位輪椅羽毛球運動員嘅Daniel嚟講，我哋生而為人已經係一個活生生嘅故事，只在於我哋用乜嘢方式呈現出嚟，而Daniel就選擇咗自己最擅長嘅「演講」。Daniel話，如果香港輪椅羽毛球嚟緊冇新血，佢嘅名亦終將會被遺忘，所以佢好想同其他人一樣，發掘更多運動以外嘅面向，好讓自己繼續喺「傷健共融」呢方面努力。 主持：椰青 嘉賓：香港輪椅羽毛球運動員 陳浩源 Sportunes 網站 | www.sportsoho.com/sportune…

滑翔傘教練林芝強（Rio）熱愛飛行，除咗會喺香港傲翔天際，亦敢於以滑翔傘遊歷世界。今次嘅滑翔傘之旅比較特別，Rio喺旅程開初放低咗佢隻大鳥，先喺受戰火洗禮嘅烏克蘭渡過咗兩星期嘅義工時間，之後先出發巴爾幹半島繼續佢嘅冒險。Rio形容今次義工體會深刻，烏克蘭人民嘅堅定同樂觀令佢深深拜服。嚐「苦」確實無奈，但只要相信苦後有甜，所有發生過嘅事都會顯現到佢嘅價值。就好似Rio今次嘅旅程咁，佢形容後半部分嘅滑翔傘之旅係「甜品」，但冇喺烏克蘭嘅體會同見聞，都未必能夠明白原來「甜」係有咁多種層次？ 主持：牛英 嘉賓：滑翔傘教練 林芝強 Sportunes 網站 | www.sportsoho.com/sportunes Instagram | www.instagram.com/sportunes_by_s…

行山，順便識朋友；識朋友，順便執垃圾；執垃圾，順便組團淨山；淨山，順便推廣「香港製造」。專頁 @hiketoclean 淨山轉運嘅版主阿源，因為自己鍾意行山，順個便就做多咗好多嘢。一樣米養百樣人，世界上總有人係冇乜公德心，行山嗰陣點都唔肯帶走自己嘅垃圾。你唔執，我唔執，山上面嘅垃圾係咪就會憑空消失？阿源嘅淨山團旨在愉快行山，順便執少少垃圾：每人做多少少，已經幫到個環境轉運。阿源仲根據自己同一眾行山友嘅經驗，搜羅咗最適合嘅鉗當係紀念品送畀團友，個鉗袋呢？畀本地家庭主婦幫手車！佢哋都係做家務嗰陣，順便搵少少外快咁囉～ 主持：椰青 嘉賓：山界執男 阿源 Sportunes 網站 | www.sportsoho.com/sportunes Instagram | www.instagram.com/…

常言道：「創業難，守業更難」，將呢句說話套落運動員身上一樣啱用。攞冠軍已經唔容易，要守住個冠軍仲難，咁香港搏擊運動員楊曉茹早前達到職業生涯五連勝，期間仲畀WIBA世界冠軍得主公開挑戰，呢場冠軍頭銜防衛戰究竟有幾難打？主持牛英問將進軍世界前十五強嘅曉茹嚟緊目標係乜：「係唔係要入世界前十名呀？」你哋估吓曉茹點答佢？今集《又係我牛英》，有香港職業女拳手楊曉茹放低擂台上嘅「狠」，同你分享呢一年由業餘拳手轉為職業拳手嘅點滴。 主持：牛英 嘉賓：五連勝亞洲拳后 楊曉茹 Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook…

喺今年學界精英籃球賽同隊友一齊為學校攞返失落咗23年嘅冠軍，自己亦成為賽事中嘅MVP（最有價值球員），旁人都雀躍地將呢啲開心事掛喺嘴邊，但由張嘉謙把口講出嚟，竟然有種雲淡風輕嘅味道；但提到早前首次代表香港遠赴蒙古烏蘭巴托參與東亞青年運動會，嘉謙嘅興奮程度就大得多，眼界大開嘅佢發現自己尚有偌大嘅進步空間，小至日常執拾行裝都有值得學習嘅地方。最後一年中學生涯，將要跳入大專甚或甲組嘅世界，嘉謙仰望嘅距離會有幾遠？ 主持：椰青 嘉賓：學界籃球MVP 張嘉謙 Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com…

年僅16歲嘅廖俊羲（Julian），喺單線滾軸溜冰呢項運動已經浸淫咗差唔多12年，Julian話自己一向鍾意挑戰速度，所以時速可達40公里嘅速度滾軸溜冰一直都係佢嘅心頭好。試過出國比賽，同金牌只差0.03秒，而且四面金牌都相讓咗畀同一個人，嗰種分秒必爭嘅競賽令Julian決意更專注喺訓練嘅細節上面。香港可以話冇合規格嘅訓練場地，每次比賽前，Julian同隊友們都要出國搵適合嘅場做最後訓練，聽落困難重重限制又多，點解Julian同隊友們依然可以喺國際舞台佔一席位咁犀利？眼見自己嘅教練Doon Sir仍然有心有力同年輕運動員一戰，Julian又立下咗咩願望？今集《又係我牛英》，有速度滾軸溜冰小子雀躍地同你分享佢嘅「速度與熱情」。 主持：牛英 嘉賓：速度滾軸溜冰 廖俊羲 Sportunes 網站 …

香港日式女子偶像組合「乙女新夢」係近來冒起嘅偶像團體，喺音樂舞台上嘅幾位團員總係元氣滿滿、活力十足，全場氣氛喺佢哋嘅影響下，幾秒間就會變得異常高漲同投入；台下嘅佢哋依然擁有偶像特質——形象百變、求知力滿分。今集《Sportsomate》就有乙女新夢嘅Ai，同大家拆解偶像嘅運動人面向。兩年前先開始學習日本弓道，Ai話弓道同做偶像都有啲似，仲用弓道作為寫真集嘅主題！想聽吓偶像生活點聯繫到運動，《Sportsomate》EP.81 楽しみにしていてください！ 主持：椰青 嘉賓：乙女新夢 Ai Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook…

平時出沒喺沙田嘅跑友，一定都有喺沙田運動場見過王春榮教練！曾經係中國國家隊長跑代表嘅王教練可以話係桃李滿門，喺全馬跑到2小時19分嘅周漢聶、毅行者8006小隊嘅胡文津等都係王教練嘅學生。喺沙田運動場活躍咗二十年，又係各個跑會嘅名譽教練，王春榮教練話教跑最緊要同學生傾偈，了解咗佢哋嘅目標同需要之後，先可以計劃下一步嘅訓練方案。跑季將至，香港同境外嘅馬拉松比賽陸續有嚟，今集主持牛英就請教咗王教練一啲教跑心得，跑友們要聽清楚喇！ 主持：牛英 嘉賓：資深長跑教練 王春榮 Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.faceb…

要有幾重視中長距離跑步，先會特登搞一個競技會專畀人跑1500米/3000米？香港暫時未去到呢個位，但日本就有喇！香港中長距離跑手陳偉聰（Wesley）早前就去咗日本體育大學，同當地嘅大學生一較高下，仲以3:56:49完成賽事，距離1972年創下嘅香港紀錄僅僅一步之遙。今集《Sportsomate》，Wesley除咗分享比賽實況，仲講咗佢同教練今次快閃日本嘅行程。星期六出發，星期日返香港！熱愛跑步嘅大家不妨參考一下。不過呢... 有啲位就最好唔好學喇，畢竟唔係個個都好似Wesley咁有一副好腸胃㗎嘛 🙊 主持：椰青 嘉賓：中長距離跑手 陳偉聰 Sportunes 網站 | www.sportsoho.com/sportunes Instagram | www.instagram.com/spo…

細個因為體形較一般同學龐大，香港空手道運動員周曦活曾受欺凌而被人戲稱為「河馬」，如今嘅佢攞住「河馬」呢個外號行走於空手道道場，仲喺去年嘅克羅地亞空手道世界青少年聯賽攞到銅牌。將要由青少年組跳至成人組別，河馬話無論係佢嘅眼界、世界觀、比賽經驗定係身體狀況，都比以前進步咗，亦令佢更加想喺空手道繼續發展。外人以為河馬一直都係咁熱血，咁有鬥志，但其實佢都曾經想放棄，從此過住唔使一日訓練4個鐘嘅運動員生活？今集《又係我牛英》，有牛英眼中嘅小妹妹「河馬」同你分享佢嘅成長之旅。 主持：牛英 嘉賓：香港空手道運動員 周曦活 Sportunes 網站 | www.sportsoho.com/sportunes Instagram | www.instagram.com/sportunes_by_sportso…

對你嚟講，跑步嘅意義係乜？9runner阿揚就同女朋友將跑步嘅意義推到慈善級別，由自己出發，將Run+Charity=chaRunty呢條公式用行動展現出嚟。化每個月嘅跑步里數為實際捐款，令有需要嘅機構同組織受惠，話就話係9runner，但阿揚對跑步似乎一啲都唔馬虎。或者所有運動目標，都冇我哋想像中咁難咁複雜，唔諗結果咁去做，可能仲會有額外收獲。就好似阿揚咁，想寫啲乜、跑啲乜、做啲乜、講啲乜，冇諗咁多喎⋯⋯嚟到就自然會識反應㗎啦，享受同信任個過程就好足夠。 主持：椰青 嘉賓：9runner 阿揚 Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Fac…

以柔克剛，即係用溫柔細膩之術克制剛硬一方。巴西柔術，係MMA格鬥技中非常重要嘅元素之一，其中嘅「柔」正有此意——唔需要硬碰硬，都可以輕易擊敗對手。啱啱喺世界柔術錦標賽IBJJF Championship奪得季軍嘅余嘉寶（阿寶）雖然係輕磅選手，一樣可以喺對打練習嘅時候，令80kg兼學過武術嘅對手節節敗退。自言「性格兇狠」、好勝心強嘅阿寶話，巴西柔術最吸引之處，係選手可以同呢項運動同步，不斷發掘新可能，不斷進步。 主持：牛英 嘉賓：香港巴西柔術運動員 余嘉寶 Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.…

MK，泛指經常出沒於旺角嘅年輕人，有特定打扮特定習慣，係香港文化中比較貼地嘅一群；而今集嘅嘉賓MK——麥季聰，雖然唔係經常流連旺角，但同樣年輕用樣貼地，代表香港出戰七人欖球賽，更加拉近咗一般市民對欖球嘅距離。欖球隊入面，主要溝通語言係英文，MK笑言有時都會因為咁而冇辦法好傳神地表達自己，但點解佢會話完全唔影響場上嘅合作呢？回想起第一次踏足香港大球場比賽，由球員通道行出嚟望到全場座無虛席，MK除咗「嘩！咁多人嘅？」之外，仲有啲咩感覺？ 主持：椰青 嘉賓：香港欖球代表 麥季聰 Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.…

2023年眨吓眼已經嚟到最後一季，但各地馬拉松比賽先啱啱回復正常日程。除咗年尾喺香港舉行嘅城市中央馬拉松，唔少跑友亦計劃飛去外地參賽，有啲仲係初馬㖭！用一集Podcast時間令自己嘅跑步表現突飛猛進就冇乜可能㗎喇，不過聽吓長跑教練徐弘泰（Winter）嘅訓練心得，或者可以令你搵到自己需要留意嘅地方。Winter教練提到，自己當年都係因為受到師傅感染，先會咁熱愛跑步、咁想推廣呢項運動，所以佢都好希望可以因材施教，就住學員嘅性格同習慣，幫助大家搵到跑步嘅樂趣。 主持：牛英 嘉賓：長跑教練 徐弘泰 Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Faceb…

細個曾經認真思考過籃球員會唔會係自己嘅出路，但Man僧最後都係決定揸畫筆搵食。因為足球名宿巴治奧，Man僧撻著咗畫人像嗰粒掣，一個暑假日畫夜畫，進步神速連老師都嘩然。近日NBA球星Jimmy Butler訪港，佢亦為對方畫咗一幅插畫。Man僧話，喺香港做創作同運動員嘅命運好相似：未成名前似乎甚麼都不是，所以畫運動員嘅時候特別有感覺。呢個世界有好多個Man僧，有好多個Jimmy Butler，但要點樣先可以做到成功嗰一位、被認識嗰一位？ 主持：椰青 嘉賓：運動插畫家 Man僧 Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www…

女人運動40+，係Lena MaMa想推廣嘅一種理念。 繁忙嘅主婦生活，加上老公一句說話，曾令令（Lena MaMa）突然憶起婚前嘅自己其實都係一位窈窕淑女。為咗重拾婚前對生活嘅追求，Lena重新開始運動嘅習慣，好勝心強嘅佢喺呢幾年仲參與過雪山Sparta（斯巴達運動）挑戰，以及撒哈拉馬拉松等唔少人夢寐以求嘅運動體驗。呢位戰鬥型靚媽嘅故事，後來更加感染到13歲嘅仔仔Javis。喺剛過去嘅7月初，兩人就以母子檔一齊參加咗蒙古超級馬拉松。Lena話，如果撒哈拉馬拉松係地獄，蒙古馬拉松就係天堂。 主持：牛英 嘉賓：戰鬥型靚媽 Lena MaMa Sportunes 網站 | www.sportsoho.com/sportunes Instagram | www.instagram.com/spor…

亞洲大學生水球邀請賽七月頭喺香港理工大學上演，參賽隊伍包括嚟自中日韓嘅大學。黃廷鏗亦有份代表理工大學參賽，決賽對上韓國體育大學，面對身型魁梧、比自己大成個碼嘅對手，佢同隊友們有啲咩對策？黃廷鏗坦言唔係太滿意自己嘅表現，亦見對手都打得好辛苦，阿鏗仲話比賽過後好多隊友都病咗。中學開始已經玩水球嘅阿鏗，今年已經係大學四年級生，佢對自己嘅將來有啲咩憧憬呢？今集《Sportsomate》有香港水球代表黃廷鏗同你分享佢嘅水球故事。 主持：椰青 嘉賓：香港水球代表 黃廷鏗 Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.faceboo…

形容自己半途出家，喺2018年先重啟運動細胞嘅熊雪如（Shirley），玩下單車，又玩下跑步，跟住上YouTube學埋游水，就成為三項鐵人。Shirley話，運動挑戰多數都唔係一早就出現喺計劃入面，就好似單車咁，踩咗四次，炒咗兩次，已經玩咗第一場比賽；又如被邀請參加50公里山賽，當時嘅Shirley其實都只係跟跑會路跑咗幾個月，連山鞋都冇。不過因為好玩、因為開心，就會心郁郁想參加各項運動。挑戰？有咩好怕喎！ 主持：牛英 嘉賓：多元運動女將 熊雪如 Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/…

坊間曾一度流行「168斷食減肥法」，健美運動員 馬倩宜（Happy）就認為，與其視斷食為減肥目標，不如將佢變成鍛練身體及意志力嘅過程，甚或係一次休息。因為屋企人唔舒服，Happy喺多年前決心完成營養學課程，希望以知識彌補不斷來襲嘅無力感。有咗營養學同健身背景，Happy更敢於以不同方法紀錄及認識自己身體嘅變化，主宰個人身心生活，其中斷食就曾經幫助佢走過暴食症嘅陰霾。早前Happy同健身團隊成員完成3日嘅「升級版」斷食體驗，中間最難捱究竟係邊日？食嘢嘅慾望同心癮充斥住成個人嘅時候，又有啲咩實際方法可以跨過呢個難關呢？ 主持：椰青 嘉賓：生活大廚 馬倩宜（Happy） Sportunes 網站 | www.sportsoho.com/sportunes Instagram | www.insta…

有冇發現愈嚟愈多不屬於大自然嘅石屎路出現喺香港嘅山上？每次行山，遇到一級級嘅石屎梯級、延綿不絕嘅石屎山徑，你會覺得易行咗，定危險咗？「郊遊徑石屎化關注小組」發起人之一鄭明慧（Agnes），多年嚟同小組同伴不斷收集行山友及各方面專家嘅意見，主動同有關政府部門交涉，希望能夠商議出可持續保護香港山徑嘅方法，以保存郊野僅有嘅天然山徑與自然風貌。Agnes後來更出錢山力，製作紀錄片《山中疤痕》，用影像令大家知道郊遊徑石屎化嘅嚴重性。耗時多年嘅紀錄片近日終於面世，Agnes同團隊成員喺製作過程中遇到嘅各樣問題同體會，喺今集《又係我牛英》都會聽到。 主持：牛英 嘉賓：紀錄片《山中疤痕》監製 鄭明慧 Sportunes 網站 | www.sportsoho.com/sportunes Instagram |…

已經有13年攀樹及樹藝經驗嘅Jason，就好似一位幫大樹診症同做手術嘅醫生。 試過喺澳洲參與修樹工作，剪多一寸樹枝都會被質疑唔夠專業；返到香港，客人會想佢剪得幾多得幾多。同樣喺香港成長，Jason話佢理解香港客人嘅諗法，但每次「落刀」都會有種惋惜嘅感覺。作為樹藝師，Jason同樹嘅關係好微妙，佢話呢13年嚟，每一次嘅「手術」都係一場學習。因為喜歡樹、鍾意攀樹，Jason甚至會參加攀樹比賽同外國選手交流技術。如果你都對呢個專業有興趣，唔好錯過今集嘅《Sportsomate》。 主持：椰青 嘉賓：大樹醫生 馬學銘（Jason） Sportunes 網站 | www.sportsoho.com/sportunes Instagram | www.instagram.com/sportunes_by…

聽過唔少武術運動員會出國深造，一般都係去當地上堂、接受訓練，但搏擊運動員 謝幸庭（Simon）就揀咗去外國做老師，邊教邊鑽研技術。Simon喺2018年隻身去到日本，由打工換宿做起，之後不斷參加比賽攞經驗，一步一步行到去做道場老師，最近仲攞到亞洲格鬥摔跤比賽冠軍。一個香港人去到日本，教嘅竟然係Kickboxing？究竟Simon有啲咩過人之處，令到日本嘅館長都邀請佢加入？Simon不斷強調佢係帶住夢想去日本，呢個夢想究竟係乜？呢5年嘅日本修道之旅，佢又袋咗啲咩落袋？ 主持：牛英 嘉賓：搏擊運動員 謝幸庭（Simon） Sportunes 網站 | www.sportsoho.com/sportunes Instagram | www.instagram.com/sportunes_by_sp…

啱啱喺Mega Ice Hockey 5's為自己嘅球隊攞到U9B組別冠軍嘅梁嘉晉 （Jasper），人仔細細已經百足咁多爪。除咗打冰上曲棍球，仲玩埋山地單地、花式單車等等嘅極限運動，不過佢話暫時最鍾意嘅始終都係冰球。雖然有時去比賽要早起身過平時返學，打波前又唔夠時間食早餐，仲試過畀教練打Pat Pat⋯⋯ 但諗起自己有盡力傳波畀隊友做到MVP，婆婆同媽咪又覺得自己好有型，都想繼續玩落去。今集《Sportsomate》有節目開播以嚟最年輕嘅嘉賓Jasper，同爸爸一齊上嚟分享吓佢嘅冰上火花！ 主持：椰青 嘉賓：兒童冰球運動員 梁嘉晉 （Jasper） Sportunes 網站 | www.sportsoho.com/sportunes Instagram | www.instagram.co…

喺今年渣打馬拉松以1小時11分正奪得半馬季軍嘅黃冠衡，經常喺訪問中表示自己係「零天分」，進而提醒自己，所有進步都係要靠自身嘅付出同努力先會出現。跑得愈多，愈發覺世界之大，黃冠衡話跑得好過自己嘅人多如繁星，所以更加要保持謙虛，逐步逐步達成自己嘅夢想。「相信自己！最應該信自己嗰個就係你自己。」黃冠衡眼神肯定咁講。 主持：牛英 嘉賓：全馬運動員 黃冠衡 Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/sportuneshk Sportsoho 網站 | www.sportsoho.com Instag…

視障馬拉松運動員傅提芬（Inti）係全港首位完成六大馬拉松嘅視障運動員。視力受損令工作受限制，Inti一度以為自己走唔出呢個困境，幸好後來接觸咗長跑，先發現生命有好多可能，Inti更加形容馬拉松為佢帶嚟「第二人生」。用咗九年時間，完成咗世界馬拉松大滿貫呢個夢想，Inti話過終點一刻有種如釋重負嘅感覺，嚟緊會想試吓玩跳傘！Inti享受跑步，亦希望更多視障人士可以體驗運動帶嚟嘅樂趣，所以佢同幾位朋友創立咗「跑在黑暗」呢個組職。想知道更多Inti嘅故事，或者想了解多啲「跑在黑暗」嘅活動，歡迎收聽今集《Sportsomate》！ 主持：椰青 嘉賓：視障馬拉松運動員 傅提芬 Sportunes 網站 | www.sportsoho.com/sportunes Instagram | www.insta…

有冇試過做完成日運動，出晒汗之後件衫一啲臭味都冇？坊間常見嘅運動衫以兩種物料為主，棉質或者係聚酯纖維材質。前者親膚舒適度高，但排汗能力偏低；後者速乾度出色，但吸水性能差。眼見作為羽毛球運動員嘅仔仔因為運動衫而影響表現，運動布料研發商劉進基（Kenneth）決定著手研發吸濕能力高、排汗功能好，同時快乾嘅衣服物料，全新運動布料Comfiknit由此誕生。呢項專利仲獲得全球知名嘅日本貿易公司伊藤忠垂青，嚟緊各位運動發燒友就有機會試到由香港研發嘅運動布料喇！ 主持：牛英 嘉賓：運動布料研發商 劉進基 Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Faceb…

YouTube 頻道「試當真」嘅成員許賢，經常以足球比喻人生，諗起足球就自然會諗起佢。腎仔話，其實熱愛足球嘅人非常多，只不過係佢比較善於表達，所以好快就令人聯想起佢。但真正鍾意一樣嘢嘅人又點會安於現狀？推廣足球不止於拍片講經，仲令許賢踏入咗青少年訓練嘅世界，早排佢就試過上場做助教，一班3-7歲嘅小朋友企喺面前，許賢學到啲咩？訓練嘅過程中，許賢試過叫個3歲嘅小朋友留意重心，究竟佢哋係咪真係聽得明呢？面對呢啲蝦碌事，許賢又覺得自己適唔適合繼續以教育推廣足球？ 主持：椰青 嘉賓：港足推手 許賢 Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Faceboo…

師承中長跑好手陳家豪，香港田徑隊成員曾曉彤（Candy）嘅成績亦相當不錯，10K可以40分鐘內跑完，搞掂半馬亦只需要1個鐘頭22分鐘。Candy話跑步嘅時候冇諗到要點樣進步，純粹喜歡一班人一齊衝嘅感覺，點知衝吓衝吓就愈跑愈好。細細個就接觸運動，但Candy同一般聽到嘅故事唔同：從來都唔係因為人哋邀請而參加訓練同比賽，每次上跑場都係因為自己想而做，連教練都話佢係最主動嘅學生。會唔會係因為所有嘢都由自己主導、由自己出發，所以跑步變得更為有趣，壓力亦冇咁大？ 主持：牛英 嘉賓：香港長跑運動員 曾曉彤 Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Face…

早前全城陪滕毅康（阿康）考DSE公開試，大家身邊就好似突然多咗個細佬咁。呢位細佬喺鎂光燈下慢慢長大，學習成為一個會為自己負責任嘅大人。DSE對阿康嚟講，就好似一個分水嶺咁，為佢劃下咗兩個成長嘅時區。曾經係香港五人足球U17代表隊成員，但當時喺場邊嘅時間仲多過喺場內，三不五時就畀教練的出嚟個別輔導，阿康回望呢段時期有咩感想呢？DSE完結，冇咗呢個要畀盡120%力嘅目標，阿康嚟緊又有咩打算？今集《Sportsomate》一齊同國民細佬阿康回顧吓DSE前嘅人生，再做個輕鬆得嚟有少少認真嘅生涯規劃。 主持：椰青 嘉賓：國民細佬 滕毅康 Sportunes 網站 | www.sportsoho.com/sportunes Instagram | www.instagram.com/sportunes_…

林穎璋（Vincent），係近年愈嚟愈多人留意嘅新一代跑手。喺香港半馬挑戰賽2022以1:12:45奪得冠軍嘅佢，兩個月後已經喺臺北馬拉松半馬PB，做出1:07:45嘅成績。喺跑場上要有最好嘅表現，心態同訓練方法固然重要，但Vincent就認為一位願意溝通同交流嘅教練都係重點之一。 好多人覺得跑得多自然會快，呢種概念喺而家嘅年代仲適唔適合？Vincent最唔想跑步受傷，所以會就住教練嘅課表提出意見，而教練亦願意為Vincent設計更合適嘅訓練方法。呢種溝通模式曾經為Vincent同教練帶嚟唔少指指點點，但Vincent就覺得只要默默耕耘，成績就係最佳嘅回應。 主持：牛英 嘉賓：香港長跑運動員 林穎璋（Vincent） Sportunes 網站 | www.sportsoho.com/spor…

幕前形象總係靚靚女女、斯斯文文嘅米露迪，近年成為咗一位會參與16公里長課、盡情揮灑汗水嘅運動新手。第一次玩斜路放題、第一次太陽曬到應一應咁跑城門河、第一次參加跑步比賽⋯⋯運動為佢帶嚟咗好多嶄新嘅體驗。以前唔係好願意郁嘅米露迪，點解突然會參與跑步？平時日程滿滿已經好攰，又係啲咩驅使佢點都要落街跑一轉呢？女仔怕流汗怕辛苦，今集《Sportsomate》有米露迪用過來人身份同你分享，點樣做住運動Keep住靚！ 主持：椰青 嘉賓：運動新手 米露迪 Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/spor…

香港田徑錦標賽男子跳遠決賽上，高澔塱兩破PB之餘，仲繼陳銘泰後成為第二位可以跳過8米嘅港將。8米有幾遠？假設一度門係兩米，即係高澔塱跳過咗四度門嘅距離！高澔塱話，跳過8米係一位跳遠運動員嘅基本，笑稱自己終於可以跳入8-Metre Club，能夠大大聲同人講自己係跳遠運動員。「入會門」嘅過程一啲都唔容易，一度以為自己成功在望，點知因為踩界而再次失望，高澔塱話好彩一直有「唔忿氣」嘅感覺，先可以繼續挑戰自己。如今跳過8米，仲有更大嘅目標等緊自己，今集《又係我牛英》，等高澔塱用佢團火燒一燒你！ 主持：牛英 嘉賓：香港跳遠運動員 高澔塱 Sportunes 網站 | www.sportsoho.com/sportunes Instagram | www.instagram.com/sportunes_…

香港電臀舞團「港股」早前遠赴西班牙參加國際電臀舞錦標賽（International Twerking Champions, ITC)，成員春兒更加以香港代表身份殺入Big Final個人賽16強。當人人都為香港電臀舞者榮登世界第一而興奮，原來當時嘅春兒喺歐洲來回地獄又折返人間咗幾暈。夢寐以求嘅世界舞台，爭少少就失之交臂，春兒話多得港股幾個姐姐嘅鼓勵同照顧，如果唔係佢將會後悔一世。食乜嘔乜嘅佢，係點爬到隔離房求救？其他選手見到失去意識嘅佢，又講咗啲乜令佢返返人間？ 主持：椰青 嘉賓：春兒@港股（香港電臀舞團） Sportunes 網站 | www.sportsoho.com/sportunes Instagram | www.instagram.com/sportunes_by_sportso…

嘉賓海洋踩車經驗豐富，今次同一班游泳運動員用9日時間，單車環台之餘仲征服埋武嶺。放棄常用嘅海岸線路線，一班單車友以台三線作為旅程主軸。每日都唔知路線、唔知住咩酒店，但就因為咁，多咗好多特別體驗。一行人中有老手有新手，要點配合先做到人人都踩得開心？即日預訂酒店，又有咩地方要注意？今集《又係我牛英》同你一齊跟嘉賓翻山越嶺。 主持：牛英 嘉賓：單車運動員 海洋 Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/sportuneshk Sportsoho 網站 | www.sportsoho.com In…

世界不斷進步，可能好多你想做嘅嘢，人哋一早已經做咗，但香港花式跳繩會創辦人鄭淦元（Ken Sir）就有唔同睇法。可能係因為太鍾意花式跳繩，Ken Sir 好想大家都愛上呢個運動，所以每時每刻個腦都淨係會諗住點樣吸引更多人留意跳繩。 「人無我有，人有我先，人先我優」 係Ken Sir 嘅座右銘，亦因為咁，唔同嘅群體包括傷健人士、聽障小朋友同幼稚園學生等先有機會接觸呢項有趣玩意。想當然，推廣嘅過程一定經歷過無數次失敗，就好似跳繩會Kick繩咁。Ken Sir：「跳繩嘅人，係一定要適應Kick繩㗎！」 主持：椰青 嘉賓：香港花式跳繩會創辦人 鄭淦元（Ken Sir） Sportunes 網站 | www.sportsoho.com/sportunes Instagram | www.instagr…

嬌滴滴嘅外表，但一上擂台就連眼神都變埋嘅盧芷晴（Phoebe），13歲已經踏上泰國職業賽擂台。第一場比賽初嚐勝利滋味 ，Phoebe從此同泰拳結下不解緣。就算中途曾經徹底放棄泰拳，轉投排球青年隊嘅懷抱，Phoebe最後都係套返上8安士嘅拳套。轉換跑道嘅過程，並唔係啲咩壯烈嘅故事，竟然係因為一首舊歌，同一堆數字？20歲嘅Phoebe直言不甘平凡，誓要成為世界頂尖，講得出做得到，啱啱就喺I-1世界泰拳格蘭披治贏得金腰帶。當時同馬來西亞拳手比賽嘅情形有幾激烈，佢又係點TKO對手？留意今集《又係我牛英》！ 主持：牛英 嘉賓：泰拳小天后 盧芷晴（Phoebe） Sportunes 網站 | www.sportsoho.com/sportunes Instagram | www.instagram.co…

亞運會嘅入場券競爭激烈，就算喺短時間內PB咗兩次，香港跳高運動員張靜嵐依然有一定壓力。人就係咁，總係會首先睇到自己嘅不足，而忽略咗本身嘅優點。呢個時候，身邊嘅人就好重要。無論係無聊聚埋一齊傾吓偈，定係開聲支持鼓勵，佢哋都會係你最好嘅一面鏡。就好似靜嵐嘅朋友咁，一句「我信你會做到！」已經係一支強心針，令佢相信自己嘅能力之餘，亦更有動力追求進步。一時之間睇唔到自己唔緊要，不妨睇睇人哋眼中所欣賞嘅你？ 主持：椰青 嘉賓：香港跳高運動員 張靜嵐 Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/sport…

跑齡只有3年嘅張嘉兒老師（Anthea）愈跑愈有，喺渣馬攞完分齡組冠軍，又啱啱順利完成魚津半馬。除咗因為自律嘅佢早睡早起、每日都有晨跑習慣之外，受傷後搵到一位好教練，根據佢嘅工作同壓力狀態為佢設計課表，都係Anthea進步神速嘅原因之一。當年因為想一雪前恥，喺「累全隊」嘅陰霾中行返出嚟，Anthea開始咗自己練跑嘅旅程。缺乏專業指導，加上「有幾多跑幾多」嘅狠勁，受傷隨之而嚟，一段時間後佢終於識驚，而佢當下唯一可以做嘅就係聽話⋯⋯ 主持：牛英 嘉賓：80後教師跑手 張嘉兒 Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.f…

好多人以為陳安立Brian係運動員出身，但佢就謙稱自己只係一位運動狂熱愛好者。話佢狂熱當然不為過，Brian毫不保留地將自己熱愛運動嘅形象表現人前，實行將運動扣緊生活，仲因為咁得到好多寓工作於個人興趣嘅機會：同運動員們暢談甚歡、踩住單車遊日本呢啲大家應該都見慣見熟。當人人都羨慕Brian工作自由，Brian就話佢所追求嘅自由更大——自律。運動令Brian朝住呢個人生目標愈行愈近，想知佢嘅運動哲學係點？留意今集《Sportsomate》！ 主持：椰青 嘉賓：運動狂熱藝人 陳安立 Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | ww…

泰拳運動員孫德全（生番）幾年前曾經立志要成為全職拳手，不過今日再問佢，佢就有另一番嘅睇法。生番話自己依然好熱愛泰拳呢樣運動，不過隨住年紀增長，要考慮嘅嘢仲有好幾樣，眼光可以放得遠啲。就如同佢去泰國受訓嘅日子，同香港完全唔同嘅訓練日程都令佢發現新世界：原來自己認定嘅嘢係有改變嘅空間。而家企喺擂台上嘅生番，諗返十幾年前求師傅畀自己出賽「打交」，會有咩感想同評價？ 主持：牛英 嘉賓：泰拳運動員 孫德全（生番） Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/sportuneshk Sportsoho …

曾經喺學界跨欄風靡一時，試過以17歲之齡攞到亞運會資格，但今日嘅楚殷面對「小欄后」之稱依然會一臉怕醜同尷尬。銳意成為職業運動員嘅佢，回憶起當時比賽多過返學嘅時間，有啲咩體會？缺席校內詩歌比賽、放學冇得同朋友一齊行街睇戲⋯⋯聽落好似失去咗好多學生時期應有嘅珍貴片段，但楚殷就因為學生運動員呢個身份踏足過肯亞同摩洛哥等地。得同失究竟係旁人所認為重要啲，定楚殷自己嘅體會重要啲？ 主持：椰青 嘉賓：香港跨欄運動員 盛楚殷 Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/sportuneshk Sports…

深受濕疹折磨嘅朱國權 （Perry)，多年嚟聽過無數忠告同提醒，但佢最後揀咗醫生都未必建議嘅「治療方法」—— 跑步。三十而立，Perry以挑戰全馬作為自己嘅生日禮物，期間不斷經歷濕疹帶嚟嘅不適，加上疫情來襲，Perry要到今年先送到呢份禮物畀自己。皇天不負有心人，佢最後以2:59:59成為本屆渣馬嘅萬金先生，等待成績確認嘅過程既緊張又興奮。徘徊喺Sub3與否之間，Perry經歷咗啲咩？佢又係由邊一刻開始，想突破自己嘅人生限制？ 主持：牛英 嘉賓：2:59:59萬金先生 朱國權 Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | ww…

曾經代表過香港參加跳繩亞洲賽嘅Agnes，早年跟隨丈夫移居德國慕尼黑，因為文化嘅不同，佢暫時放低咗跳繩教練嘅身份，但就開展咗另一番事業。初到埗人生路不熟，但流住香港血嘅Agnes又點會咁易放棄？自己組織小組訓練、參加當地嘅比賽、 逐間健身房寄個人履歷⋯⋯Agnes慢慢開始咗佢嘅德國健身教練之旅，仲喺當地獲選為運動品牌大使。德國同香港嘅訓練模式有咩唔同？對於有志移民外國嘅PT，Agnes呢位過來人又有咩忠告？ 主持：椰青 嘉賓：前跳繩港隊成員 Agnes Yu Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.faceboo…

1小時07分內完成半馬，全香港目前得兩個人做到，大學二年級生何敬武就立志成為第三位，以擠身世界大學生運動會。好細個開始，阿武已經好想出國比賽見識多啲。近幾年跟咗王春榮教練跑步，表現突飛猛進，更加令佢有信心喺一年內將個人紀錄推前4分鐘，希望能夠同自己嘅偶像跑手同場。究竟王春榮教練嘅系統訓練點幫到阿武？呢位新生代跑手喺選擇跑步裝備上又有咩心得？ 主持：牛英 嘉賓：新生代跑手 何敬武 Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/sportuneshk Sportsoho 網站 | www.spor…

每一個當下嘅選擇，都係最好嘅選擇。喺棒球場打滾多年，由運動員轉職成為演員，到近年重返球場代表香港出賽，胡子彤表示：「冇平衡㗎！得取捨。」旁人以為做選擇係一件費心神嘅事，子彤就唔係咁認為。無論喺運動員路上，定係演藝路上，子彤都彷彿係順流而行、因時制宜。對多次提及「個天好公平」嘅佢嚟講，每一個決定都係最好嘅決定，因為當下嘅決定先造就到一啲獨有嘅經歷，係佢揀另一樣嘢嘅時候唔會得到。 主持：椰青 嘉賓：香港棒球隊代表 胡子彤 Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/sportuneshk Spo…

年僅21歲嘅麥兆天，玩過詠春；試過散打；涉獵過MMA⋯⋯而家係一位合資格嘅拳擊教練。十幾歲嘅時候因為想保護心儀對象，開始咗佢嘅習武之路，愛情尚在探索階段，但喺訓練同比賽嘅過程中就悟出咗一套終生受用嘅運動哲學。阿天話以前嘅自己比較衝動同心急，喺擂台上試過受挫，於是開始反思：拳擊比賽究竟係唔係一個人嘅事？後面到底仲有啲咩促成一場成功嘅對打？ 主持：牛英 嘉賓：少年搏擊運動員 麥兆天 Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/sportuneshk Sportsoho 網站 | www.spor…

有冇想像過當你望到香港嘅BBoy企喺2024巴黎奧運舞台嘅時候，你會有咩感覺？BBoy C Plus 施嘉鑫背負住「香港代表」呢個名，去過南韓同日本等地參加奧運積分賽，出國比賽第一樣要學嘅嘢竟然係唔好亂食人參雞！要登上奧運舞台，將香港嘅霹靂舞文化帶畀世界，原來挑戰比想像中更多。跳咗14年舞，BBoy C Plus 形容而家係佢嘅黃金期，奧運資格固然重要，但佢想要嘅嘢遠不止此。要修補霹靂舞圈子嘅斷層，C Plus 覺得仲可以做啲咩？當外國嘅舞者因為香港Bboy而歡呼，我哋自己又有幾留意呢班運動員？ 主持：椰青 嘉賓：BBoy C Plus 施嘉鑫 Sportunes 網站 | www.sportsoho.com/sportunes Instagram | www.instagram.com/s…

經歷過十字韌帶斷裂，連半月板都傷過，逆閃教練林偉熹都仲可以連續九次馬拉松Sub 3，完美演繹旗下跑會——逆閃堂嘅座右銘：「逆境下唔好放棄攻勢，憑意志閃到落尾直到終結」。上天似乎特別眷顧有鬥志嘅人，逆閃受傷之後搬咗去將軍澳，場地配套加上一班熱愛跑步嘅街坊，運動嗰團火死灰復燃，佢嘅自信心亦返晒嚟。就係咁，愈嚟愈多曾經受傷嘅跑友都會搵逆閃教練一齊練跑，銳意為自己創造奇蹟。 主持：牛英 嘉賓：逆閃教練 林偉熹 Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/sportuneshk Sportsoho 網…